RANGOON AH KHRISTIAN PAWL KHAWMAWK KHAP

Kan kawlram khawpi hlun, Rangoon ahcun vengsung hotu pawlin Khristian pawl khawmawknak punghman an neih theu mi cu an khap ih, hi dan hi thlun duhlo tu an um a si ahcun an biakinn khal kharsak dingah dan an suah. 

Kan dung tlawngkai nikhat ahkhan Kyauktada huamsung thuneitu pawl cun Khristian pastor pawl ko khawm in, bulpak inn ih khawmnak an neih theu mi cu nei nawn lo dingin an sim. Papedon huam sungih um pastor pakhat cun, “Khawmnak kan sun zawm vivo asile, kan biakinn kharsak ah in vo” tiah thuthang a sim.

Hi thuneitu pawl ih kohkhawm mi 50 lenglam pawl hi catlap 5 lenglo ah hmin sign ter hrim an si thu khal thuthang cun a ngan. Cui an sign mi ahcun, dan an thlun duhlo a si ahcun, hremnak simaw, thawngthlak le biakinn kharsak an si theinak thu a ngan aw tel.

 

(Visited 48 times, 1 visits today)

Comments

comments

One Comment

  1. Bawpa na minung pawl hi hitin in zoh men lo ding ti kan thei. Harsatnak lak in khal ka lo um pi ding tiah thu in thiam ruang ah kan hna a ngam. A tu fang ah kan unau hrekkhat pawl nang mah biak ding hman kham an si. Hi khal hi na hmu ih na thei ti kan thei. Na duhdawtmi minung pawl cu na kutsung ah kan um. Na duh nak kim hram seh…Amen.

Comments

%d bloggers like this: