Ram 85 in Earth Hour hmang ding

TOI/ 28 March 2009

Australia khawmual ihsin mi 2 million lenglo tawngaw khawm ih an rak tuahmi “Earth hour” cu tui kum 2009 March 28 (inrinni) mai ram khawsung nazi 8:30 ihsin 9:30 tiang hman ding a si.

Hi, earth hour hi Australia ah 2 million in an rak tuah thawk ih leiltun ram kip in thathnemnak an hmuh ruangah tui tum khal ah World Wildlife Fund (WWF) pawl ih hoha nak in tuini 28 March 2009 mai ram caan nazi 8:30 ihsin 9:30 tiang minung 1 billion hnak ih tam Leitlun ram 85 khawmkhawm in an hmang tum sal.

Hi an tuahnak sanbik in an relmi cu misa nazi pakhat sung kan phih ruangah minung tampi ih nunnak a run thei ih hlei ah leitlun khawhlum vivomi hi kan ti theitawkin kan do a si ti langternak ah a si. Cun, meisa nazi pakhat sung a thim cun kan hmailam caan cu, eng lungawinak in, in hmuak ti langternak a si.

Earth hour ih a teltu ram 85 pawl hin an mah leh ram ciar ih misa eng tullo mi pawl an mit theh ding. Hmun ro pi ih meisa pawl khal an ti mit theh bet ding. Nazi pakhat sung meisa ti thimnak hin minung tampi ih khaw hlum tuar thei lo ih an thihnak a run dam thei thu khal an sim tel.

Kan dung 2007 ihsin Sydney khawmual ah mi 2 million tawngaw khawm in an rak thawk. Kum 2008 ahcun mi 50 million an kim ih tui kum cu mi 1billion rori ah a pung ih ram 85 an tel dingih city 2,000 leng an tel bet ding.

Tui zan nazi 8:30-9:30 meisa thimnak ding hmun ropi pawl cu India ram ih ICIC Bank, HDFC Bank, tvp. Cun Syney ih Sydney Opera House, Rio ih Christ the Redeemer, Hon Kong ih HSBC innpi, Symphony meisa pawl le Dubai ih Burj le Jummeirah Hotel pawl an si ding. Himi earth hour an hman hlan nazi pakhat duh ah Australia ah concert an tuah ding.

German ram ih Hambury ih meisa pawl tla an thimter ding, China ih Nest Olympic Stadium meisa khal an thimter ding ih South Africa ram ih hmun mawimawi nak hmun meisa an ti mit dingih sathau meiti (candle) an vang dingih an Cap Town ah mi 5,000 lenlenglo concert zoh ding in an feh ding.

Na tuah thei ve mi:

Tuizan nazi 8:30-9:30 a tullomi meisa eng pawl mit aw. Na rualpi le thianrual pawl himi thuhla sim aw. Cun lakphak dawr le dawr te neuhneuh pawl cakuat ngan aw la himi thu hi sim thei aw.

Comments

comments

Comments

%d bloggers like this: