Ramthu Ruang Ih Suak Pawl Kaih Theih Ringring Lai

Myanmar Political Prisoners

Kawlram cozah cun, cozah a thlengawk hnu ah ramthu ruang ih thawngtla tampi a suah zo. Asinan, cui a suahmi pawl, thawng an tlak ding zat tla lo ih an suahmi pawl cun thilsual an tuahpang, dan lo vek ih an umpeh a si ahcun kaih theih ringring lai an si tiin Myanmar’s Deputy Minister for Home Affairs Brig-Gen Kyaw Zan Myint cun July 29, 2013, Tlawngkai Nikhat Ni ah Parliament ah a sim thu Mizzima cun a tarlang.

July 29 ih Parliament tokhawmnak ah, MP Daw Sandar cun ramthu ruang ih a suakmi pawl in zalennak dik an co ko maw timi thusuhnak cu Kyaw Zan Myint cun an let ih, “Cozah ih zangfahnak ruang ih a suakmi, ramthu ih thawng rak tla dah pawl cun, dan lo vek ih an feh a si ah cun, thawng an tlak ding a tanglai mi pawl tangsal / tlasal dingin kaih theih ringring an si” tiin a let.

June 4,2013 ah, President Thein Sein cun, “Cozah zangfahnak ih thawngtla suak pawl cun zalennak dik an co zo a si” tiin a rak sim. Cuti a si ah cun, President le Deputy Home Minister ih relmi hi an kalhaw ding. Tuihlan ih ralkap hotu rak tuan dah, Captain Nay Myo Zin cu January, 2012 ah khan zalennak pek in suah a si nan, a hnu reilote ah ralkap lam thu a relsiat ruangah kaih a si sal ih, thla 3 thawng ah an retsal.

180203-quintana

Kawlram sungah Cozah / President ih zangfahnak thawn ramthu ruang ih mi tamtak suah zalen an sinak thu ah, The UN’s special rapporteur on human rights in Myanmar, Tomás Ojea Quintana cun a lungawi thu a sim. Cumi rualin, Kawlram sungah kaihkhih a tamtuk lai hi cu poi a ti thu a relsuak. “Kawlram sungah, thlengawknak danglamzet a suak rero. Cozah ih thatnak in ramthu ih thawngtla mi tamtak khal suah an si. Asinan, Kawlram sungah, ramthukhel mi tamzet kaih an si ringring lai ruangah himi hi cu poi ka ti zetmi a si” tiin a sim

 

Comments

comments

Comments

%d bloggers like this: