Ramtamhuap Nauhak Mimawi Zuamawknak Ah Kan Ram Nauhak Khal Tel

lyl
Singapore ramih tuah dingmi 15th Annual International Prince @ Princess 2015 ih zuamawknak pahnih ‘Miss Teen International’ zuamawknake ‘Junior Mister International ‘ zuamawknak ih teltu ding pawl cu tuisun July 21 ah Yangon International Airport ihsin Singapore pan in an zuangsuak.

Kum 5 lawng a si hrihmi Lah Yaung Lin cun ‘Junior Mister International’ zuamawknak ah a tel dingih Kingnari (ကိနၷရီ) laam thawn a zuam ding. Tlawngih laam zuamawknak ah a tel dah ih Talent a nei țha tiih a zum ruangah himi zuamawknak a telter thu a nu Daw ZarChi Khin Kyaw cun a sim. Nu le pa zate in fale an hlawhtling ding duhsak cio a si thu khal a sim tel.

Kawlram ih nauhak pawl ramdang ih zuamawknak tontehter duh ruangah le mipi hmai ah feh sukso an ngam ding duhsaknak ruangih fehter an vekin Style Plus H in ramdang ihsin Crown pathum lak theih ding an zum thu, ramdang pawlin rinngamnak tumpi thawn kan ram in rak sawm ruangah a cang theitawk minung hrilin an zuamter thu Style Plus H ih hotu Ko Phyo Paing cun a sim.
n

Kum 13 ihsin kum 16 tiang lawng zuam theih a simi “Miss Teen International ” zuamawknak ah kum 16 a simi May Nandar Kyaw in a zuam dingih National Costume hrangah Designer Phyo Pyeh ih tawlrelmi Siangpahrangnu thuam a hmang ding. Ramdang ih a hmaisabik a zuamnak ding a si ruangah a lung a tur zet thu May Nandar Kyaw cun a sim.

Himi zuamawknak hrangih hni le puan pawl cu designer Phyo Pyeh, Ma KT, Kyi Sein Lan, Ma Zar Ni le My Dream Wedding Studio pawlin țuanvo lakin an bawm. Zuamawkmak cu Singapore ah July 24 an thok dingih nihnih sung an zuamaw ding.

Hrm – Kamayut Media

(Visited 230 times, 1 visits today)

Comments

comments

Comments

%d bloggers like this: