Ram sung suakTlangpar mipawl Khawmpi September Hrawngah Tuah Ding

Meifar Zarhtin Thuthang

Kawmlram sungih um r a m s u n g s u a k t l a n g p a r m i p a w l tawnkhawmawknak cu September thla sungah tuah a si ding thu cuih khawmpi cangsuak dingih tawlreltu hotu U Nai Han Ta cun thuthangpawl a sim. United Nationalities Federal Council ih huaihawt ding mi khawmpi cu acozah tuah tum mi assembly thawn cun zianghman pehparawknak an nei lo, tlangpar mi pawlkawm tetepawl in acozah thawn remawknak thu an relkhawm tikah ziangtin aw khat a suah thei ding timi pawlisi tuahnak khawmpi a si ding tiah U Nai Han Ta cun a sim bet.

Cuih khawmpi ah cun UNFC member si lo hriamhrei keng pawlkawm dang le hriamhrei keng lo pawlkawm tete khal sawm an si ding thu a sim fawn. Member si lo mi Arankan Liberation Army, Shan State Army(S), United Wa State Army, Maila Army, National Democratic Front le Ethnic Nationalities Council tivekpawl khal an tel di. Hi khawmpi cangsuak thei dingin U Nai Han Ta in a ho ih Siphora Singh le Dr. Sui Khar telin member 11 an um thu theih a si. Khawmpi cu Thailand ramah le Myanmar ah tiin tum hnih tuah tum a si.

2011-2012 sun3 thawn an tawngaw nan Palong le Kayan ralkap pawl an tawng lo. U Nai Han Ta cun Kawlram remdaihnak le thansonak hrangah ramsungsuak tlangparmipawl ih dinhmun a pawimawhzia cu President U Thein Sein le Remdaihnak palai Vice Chairman U Aung Min in an re rero zo a ti. Cuhleiah acozah in anmai thuthu in khawmpi an tuah mai a si ahcun kan ngaih tuk lo, dik khal a dik lo ding. Curuangah tlangparmi in ziang ngaidan kan nei timi hi kan theihawk a tul tiah U Nai Han Ta cun a sim fawn.

(Visited 42 times, 1 visits today)

Comments

comments

Comments

%d bloggers like this: