Ramsung Thuthang Ngantu Pawl In Duhlonak Langter

Ramsung thuthangca ngantu le report petu ziangmawzat tawngaw khawm in lamzawhnak an nei. Acozah in an thuthang suah mi pahnih siang lo ih an kaih tang ruangah duhlonak langter in ramsung kawtthlerpawl ah lamzawhnak nasaten an nei.

Kan dung zarh ahkhan The Voice Weekly le The Envoy ih thuthang nganmi thuanthu felfai in acozah an theihter lo ruangah acozah cun duhloin an kai taang ih zarh hnih sung lenglo a kai hrem ding thu AFP thuthang latupawl cun an sim.

Thuthang theihternak petu le thuthang ngantu pawl cun T-shirt dum hrukin “”Stop Killing the Press” tiah an au ih Rangoon khawtthler pawl an hrut vivo. Thuthang suahnak inn an khar sak mipawl hi zarh hnih sung tiang a awh ding an zum.

Ramsung thuthang media pawl cu pum khat in ramsung ih meida zalen ngaingainak a um theinak dingah hotu saang pawl hnenah an dil.

(Visited 44 times, 1 visits today)

Comments

comments

One Comment

  1. Pingback: Ramsung Media Zalen Zo : chinlandtoday.info

Comments

%d bloggers like this: