Ramsung Buainak Ruangah Mi 50 Lenglo Nunak Liam Zo

Kan ram sung Rahine pine ih sakhua doawknak cun daihlam pan lo in a nini in buainak a karhzai vivo ruangah May 28 ihsin June 14 tiang buainak ah mi 50  nunnak a liam ter ih mi 44 hliamhma nasazet pu in an um. Tuini tiang hi buainak ruangah mi 30,000 lenglo vangsanglam in an um phah hngehnge.

New Light of Myanmar cun Rakhine sate ih Buddhists le Muslim Rohingya buainak ah mi ziangmawzat in hliam le thihnak tiang an tuar zo thu a ngan ih tui 50 thi lakah kan dung baihte ih Muslim mi 10 pawl an thawithah mi pawl an siar telh le telh lo theih a si lo.

Thahawknak lawng siloin an nunau pawl hramhram ih ihpinak tiangin a thlen ruangah buainak hin kianlam a pan thei hrimhrim lo. Ramsung palik pawl cun hi buainak hi tireh tum in an buaipi zawk rero lai. Kap hnih buainak ruangah minung 31,900 cu umnak neiloin camps 37 lenglo ah ret khawm an si.

United Nations pawl cun hi buainak rapthlakzet hi an bengkhawnzet ih tuitum ih buainak ruangah Rohingya pawl hi umnak neilo le nautar tuarbik tiah phuan an si bet. Kawlram ah Rohingya pawl hi 800,000 leng lo an um ih Rakhine state ih khawsa an tam hleice tiah UN cun a sim. Kawlram cun hi Rohingya pawl hi ramdang mi tiah a zoh ih hlei ah Bangladesh ihsin daan lo ih ralut tiah Kawlram acozah cun a hmuh tikah a zoh tha lo.

(Visited 55 times, 1 visits today)

Comments

comments

One Comment

  1. Ruth zingte says:

    kan ram ah mah te co vo ra cu ih mi ram tete ka ram rak ti tum tu khai Rohingya pawl tih an nung ngaingai. malaysia ih ram mi sihnak ngah tu Rohingya pawl tla cu vek thotho in an sual zet si……….hlawh man lak sak le mi thil lon hmang zet khal an si. an thil tih dan hi fih nung ngaingai……….

Comments

%d bloggers like this: