Rampi Thuron Upa ih Sunlawihmi Ma Htoo Htoo Mon

Kuttualleisam si cing in 2016-17 cazir kum ah No. 6, BEHS, Kalay ihsin roll number sa-ka 6268 thawn phun hra a ongtu Ma Htoo Htoo Mon cu Rampi Thuron Upa Pi Aung San Suu Kyi in June thla hrangih sunlawih tlak minung ah a hril.

Ma Htoo Htoo Mon hi Sagaing ramtthen, Shwebo penghlawm, Kyunhla peng, Thaphannseik khua ah U Myint Ngwe le Daw Set Ngwe in 27. 10. 1998 ah an hring. Unau thum ih nauta bik a si. A suahkeh ihsin a vorhlam kut ah kutzung an um lo ih, a kehlam kut khal a kiu tiang lawng a um. A ke pahnih khal a khuk tiang lawng an um.

Lothlo innsang rethei an si nan nu le pa ih thapeknak le amai’ zuamnak ruangah phun sarih tiang cu kum khatnak ah a ong vivo. Asinan innsang retheihnak ruangah tlawng kai thei nawn lo ding dinhmun ah a ding.

Cumi cu Singapore ih hna vattuantu U Khin Maung Shwe in online ihsin a rak hmu ih ra tlung in tlawng a thlah ruangah phun kua tiang a ong. 2015-16 cazir kum ah phun hra a phi ih a ong lo nan, a nu le U Khin Mawng Shwe ih thapeknak le a zuamnak ruangah 2016-17 cazir kum ah a ong.

Phun hra a on ah lungawinak le riahsiatnak a tuar kop thu amah Ma Htoo Htoo Mon in a sim. Ziangahtile amai’ tlawng kainak ding ih Pinnya Takhon Hostel dintu U Khin Maung Shwe in phun hra tiang lawng tlawng a thlah thei ding thu a rak sim cia. Tu ahhin U Khin Maung Shwe ih umnak Pinlone veng, Kalay ah a um.

Phunsangtlawng kainak ah bawmtu a ttul ih bawm duhtu cun Tel: 09 789 124 240, 09 258 254 657, 09 368 499 04 ah pehtlaih theih a si.

Hram: Myanmar State Counsellor Office

Comments

comments

Comments

%d bloggers like this: