Ramdang pathian

February 23

Tlawngkai Nihnih

Ramdang pathian

Siar:

Tirhthlah 17:16-31

Mihrekkhat pawl in, “ramdang pathian pawl ih thuhla a sim a bang,” an ti. Ziangah cuti’n an ti tile Paul in Jesuh le a thawhsaalnak thu a sim ruangah a si. – Tirhthlah 17:18

Kumkhat Sung Baibal:

–   Mipum Siarnak 7-8

–   Marka 4:21-41

Nisuahnaklam ram pawl ka tlawnlai ah milem zuk ih khatmi biakinn pakhat ah ka leeng. I hruaitu in, “Hih milem biaktu pawl in anmah cithlahtu thawn a bang awbikmi zuk an hril ih a hnenah thla an cam,” a ti.

Kan dung kum rei nawn ah Le Thai timi tlawngta pa ih thu ka siar dah. Amah cu pi le pu bia (ancester worship) mi a si ih a thi zo mi a pi hnenih thla a cam tikah hnemnak a ngahbik. Ziangahtile amah ih theih mi le duhdawt mi hnenih thla a cam tikah pumpak in neel awzet vekin a thinlung sungah a um, ti a si.

Le Thai cu Vietnam ihsin America ah cazir dingih a rat tikah Khristian lakah a thleng. American pawl ih Pathian cu anmai’ ruahnak parah bunmi thuanthu a bang ti’n a ruat. A hrang ahcun ramdang pathian biaknak a si (Tirh. 17:18).

Veikhat cu a Khristian rualpi pakhat in Christmas ni ah an inn ah leen a sawm. Le Thai cun Christian innsang ih nun daan a hmu ih Jesuh ih thuanthu an simmi ttha te’n a ngai. John 3 sungih hrintharnak thu a siar ih thu tla a sut hngai. Cuih ni ah Thlarau Thianghlim in i umpi ti’n a thei aw. Netabik ah Christian biaknak cu a dik a si tiah a pom ih Jesuh Khrih cu amah Rundamtu ah a cohlang.

Rualpi in Christian cu ramdang biaknak ih an hmuh tikah an biaknak upat phah in an theih fiangnak dingah thinsau te’n tikcu pek in sim aw. Thlarau Thianghlim in hna a ttuan ding rinsan aw.

Milai in khawthim sungah lam a hawl,

Theih lo Pathian hnenah thla a cam ttheu;

Pathian faa Jesuh a ton hlan tiang,

A netnak ah a nungmi Pathian a tong.

Khristian pawl ih biakmi Pathian lawng hi Pathian taktak a si.

(Visited 27 times, 1 visits today)

Comments

comments

Comments

%d bloggers like this: