Ram Sung Technological University Tlawngkai Caan Thleng!

Ram sung a sat tuk ruangah division (3) ih Technological University tlawngkai caan cu tthawn ding ah “Science le technological department” pawlin tui hla thok ahkhan an fial. Ahleice ih a satnak hmun Mandalay, Sagaing le Magway Division Technological University pawlcu khua a daih lai hlanlo zinglam lawng ih kai ding ah an fial bet.

Division pa (7) lakih pakhat TU cun hi thuthan a dawng ve lo ruangah an tlawngkai caan an thawn tum lo tiah an sim. An sim vivonak ahcun a hlan ih an caan hmandaan zinglam 8- 11 AM -12-4PM si nawnlo ding in zinglam 8:11Am tiang lawng kai dingah thu an suah.

Hi tlawngkai caan an tthawnmi hi thlun tengteng ding tiih thusuahmi asilo ih mah le tlawng ih remtinak ih thleng dingah tuahmi a si ti’n Mandalay ih saya pakhat in a sim. Tlawngtapawlcun a hlum tuk an tuarlo ih an cazirmi khal an thiamlo phah theh tiah an sim bet.

Kalaymyo ih a kum hnihnak kaitu fala pakhat ih sim daan vek a sile, kan khaan ah mi (60) kan um ih AC um lo in Fun pakhat lawng kan hmang ih cazir a theih lo tiah a sim. Mandalay Division ah Mandalay, Kyautse, Myitthila a um ih Sagaing Dvision ah Monya, Kaleymyo a um ih, Magway Diviion ah Magway leh Pakhoko Technological tlawng ti in pa 7 a um, Magway TU cu tlawng kai caan an thawn ve lo, tlawngtapawl in an duh lo ti a si.

Kawlram ih TU tlawng hi 1998 ah din thawk a si ih a tu ah TU tlawng 20 lenglo a um tlang. Irrawady, Sagaing, Mandalay, Magway, Tanintayi, Pago, Yangon Division pawl ah leh, Kayah, Mon, Kachin, Shian, leh Rakhaing State pawk ah a um. Tui tla sung ah Magway, Mandalay leh Sagaing Division ah Weather Temperature 42-46 DC tluk sang a si.

Comments

comments

Comments

%d bloggers like this: