Ram Sung Ah Linghnin, Thlisia Hraang!

Innkang, thlisia le linghnin hin kan leitlun a nuai nasa ih mi tampi thlaphang in an um phah. Mani 31, 2010 ah India ram ih nisuahnak lam Andaman tipi kiang ah magnitude 6.4 tlukih naa in ling a hnin ih zaan nazi 10:24 ah kawlram khal ah a thleng ve. Ti let a tho ih peng ziangmaw ti zat cu nasa zet in a hnin tiah thuthang tampi in an tarlang.

Thuthang ahcun hi linghnin ruangah tilet danglam zet a thawh ding an zum thu le tsunami danglam a thleng ding an zum thu khal Andaman Chief Secretary Vivek Ray in NDTV ah a sim. Vanthat ah, hi linghnin ruangah mithi an umlo nan hliam tuar pahnih an um ih inncim siat a um lo tiah thu kan dawng bet. Hi linghnin hin Hong Kong ram tiang a nuai baan ih nasa zetin Hong Kong ram khal a hnin ve tiah an tarlang bet.

March 31, 2010 ni thotho ah Kawlram khawpi Naypyidaw cu zaan lai fang ah thlisia a hrang ih meisa a thim, zanthing pawl an kiak, cutin mithen khat cun NLD thurelcahmi a thatlo ruangah hi vek a thlennak khal a si ti tiangih rak zumtu khal an um phah. Linghnin le thlisia cun Mandalay lam khal hlah cuanglo in nasa zet in Linghnin cun a hrut telih mipi cu hliam tuar um lo hmam sehla lungphang in an khawsa.

(Visited 50 times, 1 visits today)

Comments

comments

2 Comments

  1. STTluanga Tuallawt says:

    Dear, Unau pawl

    NLD thu rel mi a that loh ruangah thlisia a hrang si ding tiih rak zumtu pawl lakah cun rak tel ve lo hram uh si. NLD cun thlisia par tiang tiangah thu neihnak a nei lo ding e(NLD thu rel that loh ruangah thlisia cu a hrang em lo ding)cu vek thu rel that loh ruangih a hrang ding a si ah cun a ram uktu ralbawi inn siat theh thei ding khawpih thu rel an duh ko ding.

    Kan nih Amah zumtu hrangah cun a rat a nai zo a si tinak sawn a siih nitin ralring le tim tuah aw zetih kan nun kan hmang a tul sawn ding ka zum.

    Amah(Amah ka hun ti le kei,Amah Jesu rel lohcun a famkim thei lo si bik hi)zum lo tu pawl hin hi vek ruahnak le puithuna atthlak hi an uar khawp maiih India in Independent a hmuh zikah khan Independent ni ding an hril zikah an hruaitu hrek khat le mipi hrek khatin Astrologer an va kawlruai/rawn ih Nehru in kan ram Independent ni hrangah Astrologer nan zum a si ah cun kan ram cu an mah pawlin hruai seh(let the Astrologer govern the country)a tiih zo hmanin Nehru an el ngam lo ruangah August 15/47 zan lai fangah ” while the world is sleep India will awake”(?) tiin zalannak a puang ta a si. Malte hun bet deuh sela, Burma ram cu a hruaitu pawlin Independent ni hrilnak ding hrangah mawhphurhnak an pek bik Astrologer ih hril mi, vanneihnak ni, malsawmnak ding le ni thianghlim tiih an ruat mi Jan 4 zinglam pa4 cu an hril nan an hril ih vansiatnak lamah kan van a neiih siatnak tin reng malsawmnak kan dawngih a letlingin kan thianghlim theh ta cu a si hi maww…Aaaa ka comment bik mi thupi khal a si nawn lo ve.

  2. Ka lo lungkim pi ve..

Comments

%d bloggers like this: