Ram Sung Ah “Bing” A Tam Sin Sin

Cuba Leh Venezuela Ram in  US Dik Lo  Ti
 
Cuba ram hruaitu Raul Castro cun  Bolivarian Alliance for the Peaples of our America Summit ih thu a sim nakah Colombia ramih US ralkap pawlin um hmun an khuar nak sancu Latin America ram pawl hnenih thinlung diklo a neih ruangah a si ti.
 
Castro cun US thilti dancu  Latin America leh Caribbean ram pawl nautat nak leh  ram rethei leh ram te deuh pawl a kut hnuaiih retbet thluh a tum nak a siih, puarthau zetih thil ti tum ringringah a puh.
 
Venezuela President, Hugo Chavez khalin  Colombia ramih US ralkap pawlih um hmunkhuar nak hmuncu an khawpi Caracas ihsi minute 20 hrawng te ih thlen theih nak hmun a siih, Cu ruangah US ralkap pawlin an ram an do pangih rakdo cih ve mai dingin an ralkap pawl ralrin nak a pek thluh zo thu a simve.
 
Relzo vekin US leh Colombia ram pahnih cun  tuikum October ni 30 ah khan  US ralkap pawl Colombia ramsungih um hmun khuar thei nak hmun 7 cu kum 10 sung hrangah biakrem awknak thutiam an rak tuah zoih, Cu ruangah Cuba leh Venezuela cun an ram siim tumah an puh ih an  sawisel in an lung khal a phangzet. Asinan Colombia leh US cun ramdang hnaihnawk tumnak silo in Colombia ramsungih misual rit theih thilih sumdawng pawl dotu dingah a si tiah an simve.
 
Thailand in Suah Ter Tum Hrih Lo
 
Kandung zarh tlawngkai ni 5 ih Thailand ram khawpi Bangkok Airport ih ralthuam phurtu Vanzam leh a minung  5 an kaih mi pawlcu  ni 12 sung hren hrih an si ding tiah Bangkok Criminal Court cun a puang. Hi Vanzam hin North Korea ihsi lakmi ralthuam ton 35 a a phurih,  Thailand khawpi Bangkok Airport ah a ttumih  cu laifnagah Airport thu neitu pawlin an check ih ralthuam pawlleh a phurtu minung pawl Kazakhstan ram minung 4 leh  Belarus ram minung 1 cu an kaicih.
 
Thailand Cozah thu puangtu Panitan Wattanayagorn in a sim nakah hi an mi kaih mi pawlih ralthuam phurh mi pawlleh an phur nak thuhla fiangzet theihsuah hlan sungah cun an kaih mi minung pawlhi suah an si hrihlo ding tiah a sim.
 
Palik Thupuangtu Pongsaput Pongcharoen cun an mi kiah mi pawlhin ralthuam an phurh leh phurhlo an theihlo thu am simih an thil phur micu Oil laihsuak nak cet tumpi vekih an phur thu lawng an thei tiah a simih an thuhla hi fiangtei zinzoi an tum lai.
 
Iran in Palestinian Ttanpi Ringring A Tum
 
Fras News Agency in a tarlang nakah  tikcu caan reipi sung relh hlo ringringtu Palestinian Tapung Hamas pawl hotu, Khaled Mushaal in  tihni sunah Iran President, Mahmoud Ahmadinejad a kawmih,  Hi an kom awknak ah Iran President, Mahmoud Ahmadinejad cun Iran cu Palestinian lamih a ttan ringring ding thu  Mashaal ih hnen ah a sim tiah a tarlang.
 
Hi hruaitu pahnih an komawk nakah hin Iran President, cun  US cu Afghanistan leh Iraq ih hleiah Gaza Strip leh Labanon  siatsuah a tum rero nan a hlawhsam vivo tiah a sim. Isreal khalin US thu thlunih thilti a tum nan a hlawhsam ih, a hlawhsam vivo ding a ti.
 
Hamas hruaitu Mashaal khalin Isreal leh US cun ziangvek ruahnak leh tumtah mi khal neihai sehla  Palestinian pawlcun kanram kanlak kirsal hlanlo cu a tawptiang kan do vivo ding a ti.
 
Buma Ramah  Opium Suak Tam Vivo
 
United Nations hnuaiih Office on Drugs and Crime in an tarlang nakah Burma ram sungih rit theih thil tuahnak Opium cinsuak micu a pung tam vivo ih, kum 2006 ihsin kum 3 sungah Burma ramih Opium cu 50% in an suak tam ih kum 3 sungah kum tinten a tam vivo tiah an tarlang. nikum hnakin tuikum ih an cinsuak mi Opium cu 11% in a tamsawn tiah an sim.
 
UNODC hotu Antonio Maria Costa cun  Burma ramcun a ni telin lamzin sia a zawh vivo ih, Ralkap uknak hnuai ah an ram mipi pawlin diknak leh thanso nak lamzin zawh ding an neihlo ruangah Burma ram saklam ah cun Cozah dotu Tapung tampi an umih cumi pawlin Opium an cingih cumi manin ralthuam an lei tiah a sim. Himi Opium lawng silo in  Amphetamines cinsuak dankhal an tawlrel rero lai ih,Cu ruangah  Burma ramih si Opium leh rit theih thildang a suah tam bet vivo lo nak dingah  South East ram pawlin nasa zetih hna ttuan tlang a ttul a si a ti.

(Visited 52 times, 1 visits today)

Comments

comments

One Comment

  1. email ka ong hmaisa tinten thuthar hi ka zoh hmaisa bik ring2.acangthei ahcun nitin thuthang hi rak suah thei u la cu aduh um zet nan.angan tu le atawlrel tu hi pathian in nasa tak in lo blessing hram seh.asiartu hrang ah cun Suitum co vek kan si,kan lai mi {falam]mi hrangah cun abeng var thlak nasa,kan lungawi lutuk sokhaw.

Comments

%d bloggers like this: