Ram Le Miphun Duhdawtnak Cabu Leitu Hnen Theihternak

Ram le Miphun Duhdawtnak

Cabu Leitu Hnen Theihternak

Kan dung rei lo teih suahmi RAM LE MIPHUN DUHDAWTNAK cabu by Caleb Laltinhrem kha Asho Chin Mission hrangih hlan thluh a rak si vekin mangbangza in kan Cung Mangbawi in thlaw A suah ih a-zin Ks-700000/ (ting 7) hnakin tam Ks939000 (ting 9, thawng 39) a suak zo, USA ihsin bu-hra man a thleng hrih lo, Aizawl lam ihsin a thleng hrih lo, Falam le Tahan lam ihsin mal lai thleng ding a um lai. Bu 1037 suah a si. A-zin khal hlut thluh a si.

A ngantu le suahtu GVMM, zuartu le rak leitupawl in Pathian hna kan ttuan tlangnak a si ruangah paisa hman zonak cazin kan lo kuat; cucu a hnuailam vekin a si;

Tahan kuat man                :   15000 (bu 500 on Nov. 23, 2011 by bus)
Yangon ih zuartu             :     3000 (on Nov. 26-27, 2011)
Mindone Feh Bus             :   30000 (Dec 9, 11, tlun lam cu pahnih kan si)
Mindone X’mas                 : 100000
Jordan                                 :   10000  (Mindone)
Taxi for both ways           :   10000 (Zaan ttim pi ah si khaw a khung nasa)
Bro. Jimmy Bus Fare       :   15000 (On April 9, 12 Ygn to Mindone, Mindone to Yangon)
Asho Chin Children          :   30000 (On June 22, 12 at Salem, N.Dagon)
Asho Chin Children          : 190000 (On July 7, 12 at Salem-100000& Antioch-90000, N.Dagon)
Grand Total                        : 403000 hi hman zomi a si.

Cabu suahtu GVMM, zuartu le rak leitu zumtu unaupawl thawn Pathian hna ttuan tlang thei hi nuam ka ti rualrual in nan sum hmannak lo theihter hi ka hna a si in ka ngai ih hiti’n ka lo thannak a si. Ngailo lamah ngai pang lo te’n tiah Jesu hminin ka lo dil. Na zate parah lungawithu sim ding tampi LEIBA ka nei.  Cangantu ih hrilmi Bible bungcangpawl;

“Mirethei parih ngilneih cu LALPA thil cawih tluk a si. A tuah tthatmi parah LALPA’N A rul lai ding,” Thufim 19:17

++1++

“Mi zangfah thiampawl cu hualvanttha taktak an si, Lalpa Pathin in anmah A zangfah ding,” Matt. 5:7

++2++

“Mi pakhat in, ‘Pathian ka duh.’ ti hmansehla, a  unau a hua asile, amah cu thuphanter a si; ziangahtile

a hmuhmi a unau hman a duhdaw lo asile, a hmuh  lomi Pathian cu a duh thei lo ding,” 1 John 5:20

++3++

“Tirhsiang an lian in an tthangso, midang tidai tawihtu cu amah le mah tawih aw a si,” Thufim 11:25

++4++

“Thlaici malte tuhtu cu malte lawng a khawm ding, siangzetin tampi tuhtu cun

tampi a khawm ve ding ti cing ringring uh,”

2 Cor. 9:6

++5++

Bawmmi si hi ningzah ding a um lo; zo ha in bawmtu ti theihlo le thei cing in lungawi hna thiam lo cu ningzahnak. Leitlun ah lamzin pakhat khat talin zawi bawmnak hman ttul lo pakhat te hman kan um lo.

A lo bawmtu tlawn ciamco a ttul lo, asinan, uico hmanin a pi le pu a thei, mah duhdawtu cu midang vek cun zohmen pangaw hlah, Pathian in A duh lo. Pathian duh lomi tuah cu ngah nawn lonak. Na hmakhua a pit vivo pang ding. Lungawi hna thiam hi a thupibik miangmo, bawmmi hrangah.

Asho Chin Mission ih hnattuanpipawl, nan zate’n hmailam khalah Lal Rawngbawlnak loram ah tel thei sinsin dingin Cungsin Vanlal  in malza lo sawm cio hramseh ti’n;

Khrih ah nan siahhlawh,
Caleb Laltinhrem
National Director
God’s Visions Ministries in Myanmar

(Visited 58 times, 1 visits today)

Comments

comments

2 Comments

  1. Saya Caleb le CT
    Nan ti tha na sa.

Comments

%d bloggers like this: