Ram Laaknak

December 26

Tlawngkai Nithum

 

Ram Laaknak

 

Bible Siar Ding: Matt. 1:18-23

 

“A hmin ah Immanuel tiah an ko ding, …

Immanuel timi cu, “Pathian kan hnenah a um,” tinak a si.

–         Matthai 1:23

 

Tuni kan kiangkap ah idea thar a si lomi athar in a lengzetmi cu: Pathian cu ziangtinkim sungah hmuh a theih – lungto, thingkung, van le tifingriat pawl sungah timi a si. Himi hi ngaingai te cun Santhar ih tharthawh saalmi (New Age rehash) ahlan ih khuaruahnak hlun (old concept) patheism timi kha tharthawh saal menmi a si. “Patheism” in a zirhmi cu Pathian cu kan kiangkap ih leitlun thil pawl thawn a dang te’n a um lo, timi a si.

Pathian cu sersiammi thil pawl thawn hmunkhat ah a kop aw lo, a hran te’n a um. A Maksakmi “Keimah (I AM)” cu zianghman um lomi sung ihsin vantlolak pi sersiam a si hlan ihsin a rak um zo. Bible in Pathian cu hmuntin ah a um a ti. Amah cu sersiammi thil pawl thawn an kop aw lo.

Sihmansehla, kan dunglam kum thawnghnih lai ah ram laaknak a rak um. Pathian cu milai pianhmang in Nazareth khua mi Jesuh timi hmin thawn a sersiammi ram sungah ke a rung kar. Pathian cu minung ah a rung cang. Immanuel, Pathian cu A sersiammi sungah a rung cangvai a si.

Sualnak in minung cu a thianghlimmi Pathian thawn a tthen awkter tikah Pathian in hlat-awknak kha kom aw saal dingin lilawn a don. Pathian cu “khinah (there) vancungram lawngih ummi a si nawn lo. Atu ahcun hinah (here) a um zo. Kanmahte lawng kan si nawn lo, ziangahtile atu ahcun Pathian cu kan hnenah a um. Kanmah te lawng in taanta nawn lo ding.

 

Immanuel Pathian, ka hnenah kumkhua na um ti ka thei ih ka lungawi.

Pathian in i umpi ti ka theinak in ka nitin nun ah ziangmi si a thlengh danglam?

 

@Ava Pennington

Comments

comments

Comments

%d bloggers like this: