Raltlanpawl Ni

Leitlun ah refugee 12-13 million hnak ih tam kan um. Tui kum 2010 leitlun raltlanpawl ni (World Refugee Day) cu June 20, 2010 ah leitlun pumhuap in kan hman ding.

Kan thulu ah (Inn) Home: They took my home but they can not take my future.‘Ka inn, in laksak nan ka hmailam caan in laksak theilo’ ti a si.

Leitlun ih hmun nuambik “inn” mirangpawl ih “home” an timi ah kan um theilo hi cu ningnat thlak zet mi thil a si. Ram dang ih hlawhaw ih kan tawihvah caan khalah kan inn thlen kan hngakhlap tuk theu, inn lak kan len caan khalah kan inn-te kan ngai theu; kan inn ahcun, kan ti theumi hmun nuam hman ih kan um thei lo hi cu leitlun ih mi vakvaibik kan va si so!

Kan laihri phumnak ram nuam ah kan um theilo, kan inn nuamte ah kan um theilo. Mai ram ih zilthli thiangte hman hip theilo, mai ram suak rawl-ei theilo maw kan si. Asi, ralkappawl in kan inn leh lo pawl, in laksak theh ko nan kan thinlung kan hmailam caan cu an tham thei lo.

Laimi refugee kan sinak kum-(20) leng a kim. Thinhar tukin kan um maw, khuahkhirh tuk in kan um pang maw, kan mah le mah thinharnak kan pekawk tuk pang maw.

Kan thinlung neitu kan mah, kan hmailam neitu kan mah kan si. Kan parah zohman in thu an nei theilo.

(Visited 31 times, 1 visits today)

Comments

comments

Comments

%d bloggers like this: