Ralpi Vei (3) Nak Kan Theh Suak Thei!

New Delhi ih “Soul Image” pawl cun mani Sunday 13 June 2010 ahkhan mi-retheiharsapawl hrang ih “fund Rising” an tuahmi “Gospel Live Concert” cu tluangten’ an thehsuak thei thu, kan CT palai hnen ah an sim.

Fellowship le Kawhhran khawm tiak zanlam nazi 2:00 ah (Soul Image) SI pawl cu an concert nak ding hmun, Pasangipur Community Hall ah an thleng thep thep zo. Thangthar nonawn fala le tlangval hmeltha le tuak zetzet SI pawl ih thlansuah mi pawl in mipipawl an rak hmuak, tiah kan palai hnen ah an sim bet.  New Delhi ih harsa-retheipawl bawmnak ding a si vekin Gate kiang ah Ticket checking nak le lei ngahlopawl hrang ticket zuarsalnak an nei bet. Usher (hmuaktu) pawl hotu, Salai Cung Za Uk cun himi ni vial ih an khawngmi ticket man Rs-2000/- lenglo a kim thu kan palai hnen ah a sim tel bet. SI (Soul Image) ih Lead guitarist tumtu Salai Hute@C.Modernhoe cun, mipipawl thinlungte ih thlacamnak an neih lai ah tingtang mawizet in a lead, Bass tumtu Salai Lua Luai in a dung a thlun, Nuam teten’ Keyboard tumtu Salai Piangte in a thlun ve, Salai Paate in a Drum chi-chi dimten a thawi thok…Salai Mang Mang in a hollow tingtang mitsing phah in an tum taktak cun mipipawl cu ummen thei nawn loin an kut an beng theh tiah CT palai concert nak ih telve tu cun a sim.

Miphun cawkrawi, kawhhran le Fellowship dangdang ih suak khawm an si ruangah Mirang hla “You’re my strength when I am weak” “My Jesus, my savior” timipawl cu mipipawl ih hlapi ah hmang in “Praise and Worship” hramthoknak ah an nei ta tiah thu kan dawng bet. New Delhi ih miphun cawkrawi member tamnakbik Fellowship (DBCF) pastor Rev. Nehemiah Sui Nei Piang in praise and worship an neih theh hnu ah thlacamnak a nei. New Delhi ih Soul Image adviser Salai Uk Lian in mipi hmuahnak le lungawithusimnak a neih hnu ah awnmawi tumtupawl hmeltheihnak an nei tiah kan palai cun a sim.Cutin, Soul Image band (SI) ih hla phuah thiam suanvawr Salai S. Hu Lian in “Lungthin A Kek Kuai” timi zaihla thawn a veikhatnak New Delhi ih Gospel Live Concert an thok.

“Pathian in kan Gospel Live Concert in lungkimpi ti langternak ah thli nemte a hrang ter ih Delhi rocar ruahsur dingih thla kan cam rero nak cu kan hlasak laifang ah ruah a sur ter lawngsiloin boruak daizet ah a cangter” tiah Salai MangMang in kan palai hnen ah a sim. Kawlram ih laam thiam hminthang Sparrow Dancers Group pawl khal sawm an siih, mawizet in an laam tiah an sim bet. Lungawizet ih Gospel Live Concert an tuahsuak hnuah usher pawl, security, hlasaktupawl le tuanvoneitu zaten rawl-ei tlang khawmnak an nei tiah kan palai hnen ah an sim  bet.

Saktu Hmin                                             HLa Thu Pawl

  • 1.         S. Hu Lian                                                        : Lungthin A Kek Kuai
  • 2.         Lua Luai                                                           : Himnak Lungpi
  • 3.         Salai Mang Mang                                            : Nan-khu- ya
  • 4.         Hniang Hniang                                                : The Potter’s Hand
  • 5.         James Biakte                                                   : I Hum Himtu
  • 6.         Piangte                                                            : Take Away
  • 7.         Par Boih                                                          : Nun Thar
  • 8.         Dollar                                                              : Ni Khat Ni Ni Ah
  • 9.         S. Hu Lian                                                       : Zumtu
  • 10.       Pate                                                                 : Heart  Of Worship
  • 11.       M.S Tluang                                                     : Inn’-aaa
  • 12.       Sayamah Vung                                               : Hearth Of My Hearth
  • 13.       Sparrow Dance Group                               :  Rock Dance
  • 14.       S Hu Lian                                                        : Ka Hrang Ni Thar Te
  • 15.       Sui Kuk                                                             : Kan Nun Nak Caa Ah
  • 16.       Hniang Hniang & Brother                        : Saam (41)
  • 17.       C. Modernhoe                                                 : Chii-muan-like-zung
  • 18.       Mang Mang                                                     : Phu Lo Zang Fah Nak
  • 19.       Dr. Pari & Friend                                            : Ka Duh Sam Ber
  • 20.       Joseph                                                               : Taa-ba-vuah
  • 21.       Hniang Hniang                                                : Kee-tin-baa-bawh
  • 22.       Piangte & Esther                                             : Mighty To Save
  • 23.       Lua Luai                                                              : Bawmtu Thlarau
  • 24.       James Biakte                                                   : A Tlai Hrih Lo

“ Soul Image” Cangvaitu Pawl

  • 1. Salai Za Biak Hu @ C.Modernhoe                    : Lead Quitarist
  • 2. Gabriel Van Thawng Luai @ Lua Luai             : Bass
  • 3. Salai Lal Nei Mang  @ Mang Mang                  : Rhythm
  • 4. Salai Van Bawi Thawng @ Piangte                  : Keyboard
  • 5. Salai Van Ram Eng @ Paate                               : Drummer
  • 6. Salai James Lal Biak San @ Biakte                   : Composer
  • 7. Salai S. Lal Hu Lian @ Hu Lian                        : Vocalist

Adviser :

  • 1. Peter Zar Zo Sang                                               : Canada
  • 2. Lal Duh Awm                                                     : Australia
  • 3. Uk Lian @ Ukte                                                 : New Delhi
(Visited 41 times, 1 visits today)

Comments

comments

Comments

%d bloggers like this: