Ralkap In Myanmar Uk Ngaingai An Tum Sal Maw!!; NDSC Cangvai Dingin Party 13 In Ngen

3-tatmadaw-muse_afp

Myanmar rampi ih laknak rak co dahtu le dokalhtu party tumbik a simi USDP hohanak in, Myanmar ramsung party 13 pawl cun rampi kilhimnak sangbik khawnsil (National Defence and Security Council) in rampi buainak thuhla hi relnak nei dingin acozah an tur.

Party 13 pawl ih an dilngennak ah Myanmar ram ih thilthleng mi tiih an hmuh mi,  Yangon ih ttihnung thilpuak thu, rampum huap ih sualnak a karh mi, sumtuahnak lam ih harsatnak nuam tete ih a kaiso mi le remdaihnak hrang ih hmalaknak nuam tete ih a ziam rero mi pawl cu funkhawm in Myanmar rampiin ‘zatlang buainak’ (general crisis) a tuar rero tiin an ti.

Zawi pawlkom bik sawh hlei cemi um cuanglo in an duhmi le cozah hnen ih an tur duh mi ca an ngan. ‘Tui dinhmun ih acozah in harsatnak ihsi in hruaisuahnak lam hnakin in a thuuk sinah in hnuuk lut sawn’ tiin an ti.

Zatlang buainak na me lo pawl tidaihnak ding hrangah le ramsung, ramleng mihel pawl lak ihsin kan sahim theinak ding hrangah Rampi Humhimnak le Dungkhmannak Council (National Defense and Security Council – NDSC) thurel kan tul a si tiin fiang zetin an tarlang.

NDSC ah rampi president, vice president pahnih, Parliament ih Speaker pahnih, Tatmadaw commander-in-chief le deputy, Defense minister, ramri kilhimnak lam minister, home affairs le foreign affairs pawl umkhawmnak a si.

Party 13 ih dilnak ngantu pawl lakah rampi ih lalnak a cotu NLD party an tel ve lo. Hi tiih party 13 ih an dilnak hi NLD party lam ihsi cun kan rampi dinhmun hi ralring zet ih cinfel ding ci a siih curuangah NDSC meeting neih a tul hrih lo tiin tuanvo neitu in an rak sim. Asinan lehlam pawl cun tuicaan ih kan neih lo ahcun mipi buainak a sosang sinsin dingih khamtheih lo le duhlo bikmi thil tiang a cang thei tiin an ti.

Myanmar rampi ih daan hrampi kum 2008 ih an tuah mi ahcun NDSC ih tuanvo cu Rampiih Lotheihlo Thukhirhnak (Provisions on State of Emergency) ih cangvaitu ding a si tiin a um. Daan hrampi bung 417 nak ah rampiih buainak namenlo, hotu lu pawl ih hremdaih theihlo cin le ramthen pawl ih burbunawknak tiang a tisiatsuah thei ding dinhmun a thlen tik can ih cangvaitu ding an sinak thu a um.

Hi vek dinhmun a thlen ngaingai ahcun ralkap commander-in-chief, Senior General Min Aung Hlaing kut ah rampi ih rorelnak sangbik pawl a um thluh sal ding.#

Myanmar Time ih ngan mi a tawinak zawng ih letmi a si.

Comments

comments

Comments

%d bloggers like this: