Ralkap in Chin Pawl ih tilva Lonsak

Ralkap in Chin Pawl ih tilva Lonsak

02-03-09: Chin ramkulh thlanglam Matupi khua um ralkap Battalion 304 ih ralkap pawl cun, an umnak hmunah mipi pawl ih sumhnam pawl an lut ih, thil tampi an siatsuah tiah puh tahrat in an sumhnam pawl an kaihhren sak ih sumpai tampi thawn an va tlan lohli lo asile an tilva pawl thahsak thluh an tumthu an sim.

Caw le Sia  pakhat ah Ks. 40,000 in an tlanter. ‘Mi harsa kannih khuate mi in, ni hnihkhat sungah cu zatzat sumpai pek lohli dingin cu a cangthei lo’ tiah mipakhat in a rehsiathu a rel. “An ni tiammi kim hlan ih kan tlan theilo ahcun, an ti daan keel ten kan caw le sia pawl hi in thahsak thluh mai ko ding” tiah a simbet.

“Ralkap pawl cun an riahbuk sak dingah khawsung mipi hlawhman pe lo in in fial ih, thingtuai thatha thawn riahbuk kulhnak kan tuah sak beet. Cuhlei ah, anmah ralkap lak ihsin ralveng an um ringring thotho ruangah, an riahbuk kimvel sungah hin, kan caw le sia pawl cu simlo, milai hrang hmanah duhduh ih luh theih a si lo.

 An sumpai hawlnak ah, kan tilva hramlak ih tlang rero mi pawl kha an hruai.Cule kan riahbuk sungah an lut ih  thil thupi in siatsuah sak. ‘Khuasungmi pawl nan `tilva nan kil `thalo.’, tiah in hei puh beet. An diklo ti theifiang keukeu cingin kan tuar thluahthlo cu a si ko.” tiah a rel bet. 2008 ihsin, tu thlathok tiang ralkap pawlin ramrii sumdawng pawl hnen le, tuvekih khawsung mipi hnen in diklo zet ih tilva an lon le an thahsak mi  hi, a zate’n 1000 hrawng a kim zo.  

Chin ram sungah ei le in harsatnak a phunphun an tuar rero nan, ralkap thuneitu pawl hin bomnak zianghman a tawlrel saklo tlunah tuvekin, mipi’h thilri neihsun hmuah khal an lon sak ringring lai a si.

 

                       

 

 

 

(Visited 26 times, 1 visits today)

Comments

comments

Comments

%d bloggers like this: