Ralkap Cu Mipi Uknak Hnuai Ret Ding Laiza Conference Policy Tuah

kachinKachin ram Laiza khua ih an tuah laimi Taiyinta Conference ah tulai Ralkap pawl cu Mipi uknak hnuai ih ret ding timipawl tel in Tlang (Buung) policy lungkimnakpawl tuah a si zo thu theih a si. 

Laiza Conference netabik ni tuini ah Ralkap cu Mipi uknak tang ih ret ding, Ralkap cu Pyihtaungsuh kilhim ding ttuanvo lawng lak ding, Ralkap cu Federal Pyihtaungsuh Ralkap ah thleng ding, Ralkap le Daan kilkhawi ttuanvo a nei tu Palik cu thleidang ding timi policy telin Remdaihnak le kap-awk colh ding policy pawl a suak tin theih a si.

“Ralkap hotubik in a co-hlang maw hlanglo ti sim theih a si lo. An par ah a ttum aw. Cohlangding a naih nak a um tin ka ruat. Ralkap lam inkhal tiniam awnak tuah in an ttong ding ti ah zum a um. Zohman hnawngmi khal a um lo. Harsa zetnak a um khal ka zum lo. Ralkap pawl cu Federal Pyihtaungsuh Ralkap an si ding ti thu a tel. Ralkap sungah Taiyinta pawl ziangzat an tel ding timi thu ahcun Nainganyee relkhawmnak ah kimcang ten an rel ko ding” tin United Nationalities Federal Counci ( UNFC) ih GS-2 Colonel Khun Okka in Irrawaddy ah a sim.

October 30 ihsin November 2 ni tiang nasazet ih relkhawm mi Laiza Taiyinta Conference ah Taiyinta tamsawn lungkimmi Remdaihnak le Kapawk colh ding Tlang( buung) policy lungkimtlangnak pawl ngan suak thei a si ih cumi lungkimtlangnak pawl cu Cozah ih an tarlangcia mi thu 15 tel Kapawknak colh tirding lungkimtlangnak catlaang, KNU le RCSS ( Shan) pawl kop-aw ih suahmi policy le UNFC ih suahmi catlang telin catlang pathum cu hrambun ngan a si.

Taiyinta Ralkap zatekom ih Tlang(Buung) policy lungkimnak pawl ah thutlangpi 9 a tel ih cumi policy pawl cu hmaithla November thlathok Myintkyina ih tuah ding Cozah remdaihnak cangsuak tirding committee thawn reltlangnak ah reltlang ding a si thu, cumi buung policy lungkimnak pawl cu Cozah in a cohlanglo a si le Rampum huap Kapawk colhding reltlangnak ah Taiyinta groups zate Sign htoo lo dingin lungkim a si thu, Cozah thawn reltlangtu ding Nation Wide Cease-fire Coordination Team( NCCT ) khalcu din a si ding thu khal theih a si.

Rampumhuap Kapawknak Colhding Sign htoo a si ttheh hnu thla 4 sung ah Nainganyee relkhawmnak pawl tuah dingin Taiyinta pawlin an dil ih Rampumhuap kapawknak colhding Sign htoo hlan ah Nainganyee relkhawmnak tuahpeh ding timi fumfe zetih kam-awknak ttongkam ngah hmaisa ding a si ih Ram hruaitu 5 in International Palai pawl le Taiyinta group pawl ih palai pawl hmai ah thukam awknak tuah ding a si thu theih a si.

“President, Pyituh Hlutdaw Chairman, Amyota hlutdaw Chairman, Kaa-kuai yee Oosi-gyoke (Ralkap Hotubik), Ttaya-tugyi gyoke pawl ih kamawknak tuahsak hnu lawng ah Sign htoo a si ding” ti in Colonel Khun Okka cun a sim.

By Irrawaddy News/ November 2, 2013

James Thang

(Visited 444 times, 1 visits today)

Comments

comments

Comments

%d bloggers like this: