Rakhine Ih Buainak Hrang Thil 4 Tuah Tul

Pu Thein Sein cun Rakhine ram ih Muslim le Buddhist buainak thuthawn pehparaw in kan rampi hin buainak deem dingah tuah tulmi 4 a nei tin a sim. Cuipawl cu, theih palhawknak tuah that, cazirnak thupit ter, hnatuanlam tuah that le fa tampi neih hremawk daan ding ti pawl a si. Phnom Penh ih ASEAN summit khalah Pu Thein Sein cun hi thupawl a sim ih hleiah mipi hin theithiamawk tonnak  tampi kan neih a tul tiah a sim.

Rakhine ih fimthiam zirnak a niam tuk ruangah theihthiamawk lonak a suak.  An zirfim hnu cun daiten an tlangleng thei ding ti khalin a sim. Cule, hnatuan ding a  mal ruangah khawpkham tuansuak a theih lo ih ruangah buainak a suak lala a ti. Mipakhat a retheih ahcun awlten a buai theu ih ruangah harsa tuk hai lo dingah hnatuannak tla kan tuah tha ding tiah a sim.

Cun, an umnak hmun ah minung an karh tuk ruangah ramsung kumpi cun a theitawk suahin fa tampi nei lo dingah daan thawn hmalaknak a tuah tul tiah Pu Thein Sein cun a sim. Kan dung Rakhine buainak ah inn neiloin minung 110,000 an um. Ramsung kumpi cun thlatin hipawl hrangah US $1 million a hmang ih zalen le a kelte an um leh theinak dingah $65 million an tul lai.

Comments

comments

Comments

%d bloggers like this: