Rakhine Buainak Ah UN In Ralrinnak Pe

UN hruaitu Ban Ki-Moon cun Rakhine ramsung ih Muslim-Buddhist buainak pawl ramsung tuahremawknak a ti buaiih ramri lanlo dingin ralrinnak a pe.

Muslim hruaitu pawl cun UN Generl Assembly ah hi ramsung ih thah awk buainak ruangih an au nak cu UN hruaitu Ban Ki Moon in a au suahpiih, kan ram President Thein Sein le Islamic Cooperation (OIC) hotu pawl an tonawknak khalah hithu rel dingin a mah roriin a au suah sak.

Mr Ban hin Rakhine ih buainak hi ralring zet in kan zoh a tul ziangruangah tile hi buainak in ramsung tuahremawknak tamsawn in a tibuai theiih ram leng tiangin a kaikang thei a si ti khal cun a sim.

Hi phungki biaknak le muslim biaknak betu Rohingya pawl hi June thla ihsin buainak annei thok ih mi 90 lenglo an thi zo. Human Right Watch (HRW) pawl cun kanram ralkap pawl in Rohinya Muslim pawl an rak kap tiin a cozah pi cu mawh an rak puh.

Kan rampi acozah cun Rohingya mi 800000 lenglo cu ramdangmi an si tiin a ti haiih ram inn hnen Bangladesh ihsi dan lo ih ra vai lut mi pawl an si tiin a hminsin.

AFP

(Visited 129 times, 1 visits today)

Comments

comments

Comments

%d bloggers like this: