Rakhine Buainak A Rehlo ; Mi 90000 Vakvai – UN

Rakhine pine ih buainak cun rehlam a pan thei cuanglo nan zia um lam cu a pan vivo tiin BBC thuthang latu cun a sim. United Nation ih a zingzoi dan ahcun mi 90000 lenglo in umhmun neilo mangbang in an vakvai a si tiin a ti. Hi rakhine ih buainak hi santhuanthu ih an rak ngaihawk lo nak khal bet cihin sakhuanak pahnih doawknak a si ruangah a si ti khalcun thuthang dandang pawl cun an rak sim.

Rakhine phungki betu nu muslim pathum in an ihpi hleiih an thatnak ihsin buainak a kangkai vivo mi a si. Tui tum ih an buainak ruangah mi 50 lenglo an thi zo tiin thuthang cun an tarlang. Theih lo mi mithi ziangmaw tizat khal an um ding an zum zet.

Cui laiah a inn hnen naibik Bangladesh in humnak an pek lo ruangah ramtin minung covo humhual tu pawl cun an soisel zet ih leitlun ramtin daan a pahbal ti khalcun sual an phurh bet. United Nation’s World Food Programme pawl cun lakhruak rawl peknak cu kan dungzarh ah mi 66000 lenglo hnenah a rak pe.

Nunau ihpi tu leh thattu mi pahnih hi tlawngkai nikhat ni ah thah dingin daan a purh ter zo ih a dang pakhat thawnginn ih a thi zotu khal a thizonan thah dingih daan phurh ternak a phurh ter thotho.

Nunau nu ihpi ih thah a si ti an theih veten bus ih to muslim mi 10 pawl cu an zaten rak bawh in thah thluh an siih cui hleiah khawte ih muslim pawl umnak inn le lo pawl khal nawh kangin siatsuah sak thluh an si cih. Cutin buainak a sosang vivo ih tui ni tiang rehlam pan lo in a luar vivo nak cu a si.

Rakhine pine hi Rahine ih tlangpar mi pawl hmin pu ih sak  mi a siih a tamsawn cu phungki bia pawl an si. Muslims mi ziangmaw tizat khal an um ih an lakah Rohingya pawl khal an tel ve.

(Visited 43 times, 1 visits today)

Comments

comments

Comments

%d bloggers like this: