Rakhein Ah Cozah In Dan Lo Vek In Loram Cuhsak

BBC | January 29

Rakhein State, Yianbe Township ih Palihngiu tikluh ihum lonei tu 40 lenglo in eihawlnak ih an hman mi loram acre 800 lenglo cu environment department thuneitu pawl in thingkung phunnak ding hmun ah hman an tum ih an siatsuah rero thu thuthangca in a tarlang.

Environment department thuneitu pawl cun hi tikuluh ih um loneitu pawl cu an lohmun suahsan ih hmun dangah an thawngaw a silo ahcun kum 6 sung thawng thlak ding in an hro ih lo neitu pawl cun tingaihnak theilo in an um rero a si.

Hi thubuai thawn pehparawin Chauh-phuu environment department thuneitu pawl hnenah theihter an si nan thuneitu pawl cun environment in project a neihmi sungah a tel ruangah fur can ih thingkung phun an tum thu an rak sim.

Cutiasiruangah lohmun neitu pawl cun bawmtu ding neilo in an tuar cuahco ih Kawlram cozah in ram remthataw-awk a fehpi rero mi ah beiseinak an nei lo ihbakah an lohmun pawl cu an suahsan  atul mai ding ih an zum thu khal lohmun neitu in a rel.

(Visited 41 times, 1 visits today)

Comments

comments

Comments

%d bloggers like this: