Raithawinak Nung Hngilh Lonak

May 31

Tlawngkai Nikhat

Raithawinak Nung Hngilh Lonak

Siar:

1 Korin 11:23-34

Himi hi nan hrangih ka pekmi ka taksa a si. In theih ringringnak dingah ei uh.     – 1 Korin 11:24

Kumkhat Sung Baibal:

–   2 Sansiarnak 13-14

–   Johan 12:1-26

Memorial Day a thlen tinte’n ram hrangah a thimi raalkap pawl kan mang saal ttheu. US ram sungah thinlung kekkuai in ciingmang saalnak hmun hleice pakhat cu Washington DC kiang ih Arlington thlaanmual a si. Arlington ih hleicetnak cu kum upa raalkap hlun pawl le leitlun hmunkip ah a thitu US raalkap pawl ih ruak nitinte ruak 25 tluk an vuimi a si.

Arlington ih hnattuantu the 3rd US Infantry Regiment ih OLd Guard sungtel pawl hrangah a har hleice. Ziangahtile an hnattuan cu miruak zawn le ram hrangih an pumpek awknak parah upatnak pek a si. Old Guard sungtel pawl cu zalennak ih man an hngilh dah lo; ziangahtile nitin ciingmangter an si.

Zumtu pawl khal sualnak ihsin kan luatnak man cu Jesuh a si zia in ciingmang tertu ah Bawipa Zaanriah pek kan si. Sang le Sabit kan hman tinten, “Keimah in theih ringringnak dingah tuah uh” (1Korin 11:24) timi a thupek kan famkimter. Hmanseh ciinmannak lawng si loin thinlung tak teih tuahmi Bawipa Zaanriah ah lungawi nomnak a um; ziangahtile Bawipa Zaanriah einak ah kan ciingmangmi kan taanta lo ding.  Kan hrangah raitluan ih a pek awknak kan hngilh lonak ding leilung ah langternak cu Runtu hrangih nun hi a si. – Bilcrowder

Bawipa, ka hrangih Na thih ruangah ka lungawi,

Calvary tlang ih thinglamtah parah;

Ciing ringring dingin i bawm aw,

Keimah luatnak dingih Na rak tuahmi. – Sper

Khrih kan hrangih a thihnak kan ciinman ringringnak in

A hrangah nung dingin kan nunnak in timtuah.

(Visited 29 times, 1 visits today)

Comments

comments

Comments

%d bloggers like this: