Raalrin Peknak Meisa Tleu

December 14

Tlawngkai Nikhat

 

Raalrin Peknak Meisa Tleu

 

Siar:

Joel 2:12-17

           

Bawipa in, “Atu rori ah nan thinlung zate in rawl ul in, mit-thli tla le riahsia in, ka hnenah ra kir uh.    – Joel 2:12

 

Kumkhat Sung Baibal:

   Joel 1-3

–   Thuphuan 5

 

Ka mawttaw engine awn daan a hmaan lo, mawttaw tthat lonak langtertu, “thlalang sungih raalrin peknak rong aire a rung lang. Cumi hi hmakhatte ih tuah lohli dingah a thupi zetmi asinan ka poisa lemlo, ngaihven lem loin ka umsan. Hlasal phah in ka thinlung te’n thaisun ah ka tuah saal ding ka ti men. Asinan a thaizing ahcun ka mawttaw tawh ka ong thei lo ih ka hmang thei nawn lo. Ka bei a dong, hmaisabik ah paisa a ttul, caan pek a ttul, a remcsang thei lo. A pahnihnak ah ka ruat saalmi cu a tawlrel daan ding hi a si: ralrinnak meisa tleu in hmuh veten ngaihven lohli ding a si, tthat lonak pakhat a um ti a langternak a si.

     

Raalrin peknak meitleu a vaan lawngah ka raalring thiam thlang ding. Cumi cun pakhatkhat a sualmi a um a si ti i theihter. Joel 2: 12-17 kan siar tikah Pathian in A minung pawl an thlaraulam ttonttaihnak theihternak meisa tleu a pekmi parah thazaang pe dingin Profet Joel a hmang. An lennak in mahte umhmun ih nomnak le Pathian hnenah ap awknak nun hngilhnak a thlenter.

 

An zumnak cu a thawtnak a um nawn lo, a ttumsuk vingvo ih an nun a rocaar. Curuangah an ram ah kharbok ruunpi a thlah ih an thlairah pawl a siatsuah ttheh ih mangttam-paam a tlunter. Pathian in A minung pawl an nun an thlengh ih A thu an ngainak dingah raalrin peknak a si.

     

Ziangmi raalrin peknak meisa thleu na nun ah a thleng? Sualphuannak le sualsirnak ihsin ziang tuah tthat ttulmi na nei?

 

Pathian ih duhdawtnak cu a rau lo,

A tthabik tuahter ding in duh;

Lam in hmuh, raalrinnak in pek, lam in hruai,

Hniksaknak sungah in thlenter.

 

            Sual puh awknak cu Pathian ih raalrin peknak meisa tleu a si.

(Visited 38 times, 1 visits today)

Comments

comments

Comments

%d bloggers like this: