Raalkhamnak Netabik

March 15

Tlawngkai Nikhat

Raalkhamnak Netabik

Siar:

Rom 8:31-39

Hibangtuk a si ko nain kannih in duhdawtu Pathian thawngin hih thil hmuahhmuah tlunah kannih cu nehtu hnakih nehtusin kan si. – Rom 8:37

Kumkhat Sung Baibal:

Daanpeksaalnak 26-27

–   Marka 14:27-53

Pennsylvania ram tthen ih Geltysburg cu America ramsung raaldo awknak (civil war) ih  hmun  hminthang a si. Do awknak thupibik hmun cu Rocky knoll timi tlangbo te ah a si. The 20th Maine Infantry ih raalbawi Colonel Joshua Lawrence Chamberlain le a raalkap pawl in cutawk hmun ah raal an neh.  Thuanthu thiam  pawl in, “Raal in an kulh zo nain the 20th Maine lei raalkap hi netabik raalkhamnak a si,” tiah an zum. Raal in an kulh thluh zo nain Chamberlain ih raalkap pawl in an do neh.

Khrih a thluntu pawl tla cu vekin ttihnungza raal in in kulh. Satan ih bumnak kan do tikah (Efesa 6:11), kan ding hnget theinak ding hrangah Pathian ih raalthuam famkim hruk dingah in fial (cc. 10-18).

Getlysburg ih raalkap pawl bangin raalkhamnak netabik lawng kan nei thlang. Asinan hih kan raalkhamnak cu milai huham cahnak hnakih a cak sawnmi a si. Paul in Rom 8:31-39 sungah a simmi rinsan tlakmi cu a cem thei lomi Khrih ih duhdawtnak a si.” Khrih sung ihsin Pathian ih in duhdawtnak cu zianghman in in tthen thei lo ding,” (c. 39) a ti.

Kan raal in in kulh ih cemral ding bang hman nungla neh thei lomi raalkhamnak kan nei ti thei ringring aw. In duhdawttu Khrih thawngin kannih cu in nehtu pawl hnakin kan uak deuh (c. 37).

Kannih cu nehtu hnakin kan uak deuh,

In duhdawtu ruangah;

Kan sungih a umtu Khrih cu,

Huham tumbik neitu a si ti kan thei.

Pathian ih khuakhannak cun nehnak ah in hruai ringring.

(Visited 19 times, 1 visits today)

Comments

comments

Comments

%d bloggers like this: