Raal pawl Diremnak

April 10

Zarhte Ni

Raal pawl Diremnak

Siar:

Obadiah 1:1-14

Na raal kha vansiatnak a ton tikah na lungawi hlah; A rilhbah tikah  direm hlah.      – Thufim 24:17

Kumkhat Sung Baibal:

–   1 Samuel 15-16

–    Luka 10:25-42

Obadiah hi Thukam Hlun sungah a tawibikmi Cabu a si. Hmanseh himi thutawi nganmi sungah kan zate thawn a pehpar awmi thusuh ding thupizet a um. Cumi cu kan raal pawl vansiatnak an ton kan hmuh tikah ziangti’n ka lehrul?

Profet Obadiah cu Babylon raalkap pawl in Jerusalem khuapi napi ih an dolai ah thu a rak sim. Jerusalem kiang um Edom mi pawl in, raalkap pawl cu khuapi siat ding le minung pawl that thluh dingin tha an rak pek (Saam. 137:7-9). Hivek in raal lam thapetu cu Judah pawl ih unau, an miphunpi pawl an si. Judah pawl cu Jacob ih tefa an si ih Edom pawl cu Esau tefa an si.

Obadiah in an lungawinak parah a mawhthluk hngai, “Nan unau vanduai ni ah porh aw rero hlah uh, Judah siatsuahnak a ton ni ah nan lungawi hlah. Awloksong ih an umlai ah hni suamso ih um ding nan si lo,” tiah a sim hngai (Obadaih 1:12).

Atu le tu kan siatnak a tuahtu pawl in vansiatnak an ton tikah direm ih lungawi a olte. Asinan Ca Thianghlim in, “Na raal kha vansiatnak a ton tikah na lungawi hlah. A rilhbah tikah direm hlah,” (Thufim 24:17) tiah in sim. Cumi ai-ah zawnruahnak le ngaithiamnak thinlung thawn Pathian in a nun sungah thudik a theihter ding ti zum uhsi!  –Dennis Fihser

THUK DEUH IH RUAH DINGMI

Buainak in petu pawl ziangti’n kan tuah ding? (Rom: 12);

Thin sau aw (v. 12), thluasuah pe aw (v. 14), tangdor aw (v. 16),

Phulei sam hlah (v. 19), siatnak cu tthatnak in neh aw (v. 12).

Pathian kan duhdawtnak cu

kan raal pawl kan duhdawtnak in tah theih a si.

(Visited 29 times, 1 visits today)

Comments

comments

Comments

%d bloggers like this: