Purunvar thatnak kan thei zo maw?

Rawl suannak Coka ih tangkai, rawl ei ti thawtu, le damnak hrangih tha purunvar hi khuahlan kum zabi 15 lai ihsin rak hman thawk zo mi rawlhmeh thaw tak a si. Rome sanlai ihsin purunvar hi coka damnak thuthup tiah an rak hmang zo. An ralkap Bawi pawl in an ralkap pawl ralthat sinsin nak dingah le an cah sinsin theinak dingah tiin an rak pe theu.

Europe mi thenkhat pawl khal in cuvek thotho in an rak hmang ve. Siberia (tu laiih Russian) pawl khal in Purunvar cu an siah ah an rak pek theu. Hlanlai lawngah purvunvar hi hman tangkai a si lo.

Tuisan khalah Europe mi thenkhat le ram dang pawl cun an rawl ah telh lo in an um thiamlo. An rawl ei can lawng hmansiloin zingpit thawhhlam ei dingmi pawl hmuk (breakfast) ah purunvar ti hnunmi cu sahriak (better) aiah hmang in, an ei theu.

Purunvar hin thisen sang dingmi pawl a ti cawl ih lungphu natnak (heart attack) lak in kilkhawinak hna a rak tuan theu. Purunvar rawl ei tinte kan ei tel tikah thlisia kan hawp luhmi pawl tla a rak thianfai sal theu.

Purunvar thatnak hawl suaktu mi fimthiam thenkhat Japan, Russian, le Europe ram thenkhat ih an hmuh suah daan ahcun purunvar ah natnak hrangih damnak sivai dandang ziang mawti zat a um ih culo a thatlonak pakhat hman an hmuh lo thu khal an ngan tel. Ek thawh thei dingin pumpi a ti cak, culawng siloin taksa ih a tulmi Vitamin civai dangdang taksa ih a tul daan in a rak pe suak a si tin an ti.

Purunvar in thinnatnak (heart disease) a suahtertu natnak hrik pawl le thisen sang a suahtertu kan lungih sin thisen fehsuaknak pawl; a ti fimtu le rak ti khauhtu cu nasa takin a bawm.

Cu ti cun, kan taksa ih natnak dang a pa kai theimi, thisen neihmalnak, thilrim huatnak, khuh heng awmnaa le khawsit serh sungdawk ih reh theilo le cancer natnak hrik thang dingmi cu a ti cawl thei. Hmelthatnak khalah purunvar hman theu a si. Hmaiih hrikcu ti rehnak le hmel no sinsin dingih kholhfainak khal ah hman tangkai zetmi a si.

Cuihleiah purunvar in thawtnak le thatnak a nei bet. Arim danglam tak kan ti theumi khal hin thawhip harnak a ti cak a si.

Purunvar hin vun a ti no ih taksa a ti ngil thei ringring tin an sim bet. Curuangah kan coka ih kan retmi purunsen hi hmehkiaunak le ti hang ih thlak ding lawng siloin a mah hlir ih hmeh ding tiang in duhumnak le thupitnak a nei a si.

 

Thubet: : Purunvar = khasuanvar, lasun,daidim,ciat tun phiu tivekin Laimi in kan ko . A dang na thei asile rak bet vivo aw……….. 

 

 

 

Comments

comments

One Comment

  1. Last par. PURUNVAR thu rel lai ah PURUNSEN a telpang ??
    Hivek theihkaunak thu hi run ngan theu uh,Abik takin SILAM,mizo in RAMHMUL DAMDAWI an timi vek Thlai kan cin mi lawng silovin Hrampi Thing pawl tlan nganbet theu thei sehla,kan laitlangah hivek si phun a tam zet ding nan kan theihlo ruangah a si ka zum,lailam um pawltiangih thei a va tha ve.

Comments

%d bloggers like this: