Punxsutawney Phil

February 2

Tlawngkai Nikhat

 

Punxsutawney Phil

 

Siar:

2 Piter 1:16-21

 

Profet pawl ih an rak simmi parah zum hngetnak kan nei sinsin. Nannih khal cuih thu cu thupizet a si ti’n nan ruat le a t.ha ding. -2 Pet 1:19

 

Kumkhat sung Baibal:

          Suahlannak 29-30

          Matthai 21:23-46

 

Punxsutawney Phil cu leilung sung vok a si ih a umnak kua sung ihsin February ni 2 ni tinten a ra suak ih nikhua thu a simcia ttheu. A thlam a hmu le zarh ruk sung khua a siklai dingih a hmu lo le tuan ah khua a tthal ding a ti ttheu.

 

Himi thu cu zo hman in thupi ah an laak lo. A simmi cu rintlak a si lo ih a dikmi hnakin a dik lomi a tam sawn an ti.

 

Hmansehla a dik ringringmi le a thupizetmi cu Peter in, “Profet pawl ih an rak simmi thuthang parah lunghmuinak hnget sinsin kan nei. Nannih khal cuihthu cu thupizet a si ti’n nan ruat le a ttha ding; Ziangahtile cuih thu cu Khrih ih Ni tleunak nan thinlung sungah vaang zawng deirel arsi tleu bangin a tleu hlan tiang khawthim sungih a vaangmi mei-inn bangtuk a si” (2 Peter 1:19).

 

Peter cu James le John thawn hmuihmel thlengnak tlangpar ih an umlai ih Jesuh cu Thukam Hlun sungih Profet maksak pahnih Moses le Elijah thawn ding khat ih a hmuhmi thu a ruat. Cuih Profet pahnih thawn an umlai ah Pa Pathian in a Fapa a khih ih, “Hipa hi ka hrilmi ka Fapa a si, a thu ngai uh” (Luka 9:35) a ti. Jesuh ih ttongkam cu, “Sim sungmi ttong” a si ti a dik taktak.

 

Ziangtik hman ih a palh dah lo le lampial ih in hruai dah lotu ding  cu Jesuh a si.

 

Jesuh hmai ah kuun in,

A ke hram ah bok uh;

Siangpahrang pawl ih siangpahrang lukhuh kan khumter ding,

Kan khualtlawn a cemnak vancung ah.

 

A si ding tiih ruahnak peknak leiram ah

Pathian Ttongkam lawng a pelh dah lo.

Comments

comments

Comments

%d bloggers like this: