Pumpuluk Damnak

May 25

Tlawngkai Nihnih

Pumpuluk Damnak

Siar:

Johan 5:1-9

“Dam na duh maw?”      – Johan 5:6

Kumkhat Sung Baibal:

–   1 Sansiarnak 25-27

–   Johan 9:1-23

Pulitzer laksawng ngah theitu John Steinbeck ih nunthuleng: “The Grapes of Wrath” timi cabu cu Oklahoma ramtthen ih mangttaam a tlunlai thu a ngan. Nunau pawl in an pacang pawl an zoh ih mangttaam harsatnak in a siatsuah hngai thei lomi an hmu tikah an hna a ngam. “Nunau le nauhak pawl in an pacang pawl an harhdam ahcun ziangvek vansiatnak hman phur dingah a rittuk lo ding tiah an thinlung thukin an thei,” tiah a ngan. A thupimi cu nunnomnak, tthansonak le lung diriamnak a si lo, taksa le thlarau pumnpuluk harhdamnak a si. Mi hmuahhmuah ih kan ttulbikmi khal a si.

King James Bible in Jesuh ih mi damternak thu a sim tikah “pumpuluk damnak” timi ttongfang a hmang ringring. Kum 38 sung a naa mipa kha, “Dam na duh maw?” tiah a sut (John 5:5-6 KJV). A tisa nun damter hnu ah thlarau nun damnak cohlang dingin, “Zoh hnik! Atu cu na dam zo; curuangah va sual nawn hlah. Culole na parah thil ttha lo sinsin a thleng ding,” tiah a ti (c.14).

Jesuh in kan duhmi thil pawl in tuah sak ding lawng kan duh asile kan pehzom awknak hi ramri a nei ding. Jesuh Amah rori kan duhdawt asile kan nunnak a famkimter ding. A pakhatnak le a tthabik Jesuh ih in duh sakmi cu pumpuluk:taksa-thinlung-thlarau rundamnak a si.    –David McCasland

Mankhung Na Ttongkam hrangah Na parah ka lungawi,

Hmu ngah thei dingin i tuahnak;

Misual ka sinak le bawmtu nei lo ka thlarau,

Nangmah rinsannak in pumpuluk a damter. – Anon

A kekkuaimi nunnak cu Jesuh lawngin

pumpuluk damnak a pek thei.

(Visited 50 times, 1 visits today)

Comments

comments

Comments

%d bloggers like this: