Pumpak Bang-awknak

June 11
Tlawngkai Nikhat

Pumpak Bang-awknak

Bible Siar Ding: Seemtirnak 1:26-2:7

Cuticun Pathian in milai cu a seemsuah; Pathian in Amah ih hmuihmel vekin a seemsuah. Pathian in mipa le nunau a seemsuah a si.
– Seemtirnak 1:27

Pathian in milai in sersiam tikah danglamnak nei ciar in in seemsuah a si. Mi pahnih khi an bang aw cekci thei lo. Sikhalsehla, Pathian in milai a seemsuah tikah simmi a nei ih thil dang pawl a sersiam tikih a sim lomi a si: “Milai tuah uhsi; kanmah ih hmuihmel keng in kanmah bangin kan tuah pei,” a ti (Seem. 1:26).

Pathian cu keimah vek hmuihmel cekci a si lo, ih kan pa vekih lukolh khal a si lo. Curuangah “Kanmah vekin” timi cu ziangtican so a si ding? Hih Hebrew ttongfang “hmuihmel (image)” timi in bang-awknak (resemblance) a sawh duh. Pathian kan bangnak cu thinlung le ruahnak kan neihnak hin a si. Milai in a sia le a ttha thleidan theinak kan nei. Pathian in khuaruah theinak thluak nei in in sersiam, duhnak nei dingin in tuah, ih lungawi thei, ninghang thei le tuarnak nei thei dingin in seemsuah. Milai sinak kan nei: pakhat le pakhat theih thei awknak kan nei.

Pathian cu mi bulpak (personal) ih pehtlaih theih a si. Thumthlak Pathian in sinak bangrep an nei thluh ih pakhat le pakhat theih theinak khal an nei. Pathian in Amah bangin in tuah. Kan mizia in in sersiamtu ih sinak kan langter a ttul si lo maw?

Ka Bawipa Pathian, in ngaidam hram aw,
ziangahtile ka thinlung khuaruahnak, ka ttongkam le ka tuahmi pawl in
Nangmah lo bangnak ka nei thei lo ruangah!

Tuni ahhin ka Pathian bangnak ah
ziangmi si ka tuah theimi a um?

@ Ava Pennington

(Visited 32 times, 1 visits today)

Comments

comments

Comments

%d bloggers like this: