Pumkhat Sinak

October 24

Nipi Ni

Pumkhat Sinak

Siar:

Saam 133

Pathian minung pawl unau bangin hmunkhat ih um tlang hi a ttha in a va nuam so!   Saam 133:1

Kumkhat Sung Baibal:

–   Jeremiah 3-5

1 Timote 4

Kan sungza tein khual kan tlawn lai ka hngilh thei lo. Nauhak pawl dunglam ah an to ih thu an el-awknak le an phunzainak pawl in kan nomnak a hnaihnok. Pakhat in, “Ka pa, amah in i tok” a ti. Pakhat in, “Ka nu, caan i pek ve dah lo” ti ih hnaihnoknak pawl cu hngilh theih an si lo.

Cuvek in faale pawl to-aw ih phunzainak na ton tikah Pathian in ziangti’n a faale pawl hi in ruat pei ti na ruat ko ding. Pakhat le pakhat rem aw derhdo tein kan um ding hi Pathian ih duhmi a si.  Jesuh in, “An zate in pumkhat an si theinak dingah thla ka cam a si. .. Nangmah in i thlah a si ti hi an theihnak dingah,” tiah thla a cam (John 17:20-21). Thu el-awk a hmangmi a dungthluntu pawl kha pakhat le pakhat duhdaw aw in rian-awton uh tiah thu a pek (John 13:34-35; Matt. 20:20-28). Pathian ih a huatmi pasarih sung khalah “Unau lakah harsat buainak suahpi ttheutu” timi a tel (Thufim 6:19).

Saam Hla ngantu in, “Pathian minung pawl unau bangin hmunkhat ih um tlang hi a ttha in a va nuam so. Aaron ih lu le khahmul ihsin a korfual hngawng tiang a luangmi olive siti sunglawi bangtuk a si” a ti (Saam 133:1). Hlanlai ah hnihmi siti ah rimhmui a tel ih a hnihtu ih fehnak kiangkap hrangah lungawinak a si. Pakhat le pakhat kan duhdawt awknak le kan rian awknak cu sungkhat, kawhhran le rualpi hrangah lungrualnak rimhmui si hram seh!   – Joe Stowel

Duhdawt zaangfahnak thawn kan khat ih,

Pumkhat bang kan si tikah;

Kan rualremnak rimhmui cu,

Ziang thaw hmanin tahtthim theih a si lo. – Sper

Pakhat le pakhat a rem awmi zumtu in

Jesuh ih rimhmui an karhzaiter.

(Visited 32 times, 1 visits today)

Comments

comments

Comments

%d bloggers like this: