Pu Sang Ci Mirang Ram Ih Nauhak Kuattu Ah Puh

26th September : Nauhak cawm dingih tuahnak  (Adoption) thu ruangah mani sun ah FIR cu Aizawl PS ah an pe. Palik pawl in hi case hi file cih loin zingzoinak an nei hmasa ding.

Champhai Rasi veng ih um nunau nauhak pahnih Lalruatmawii(Lalbawihi tiih kawh) kum 11 d/o Ralkapthanga le Chhunglawmzuali kum 3 d/o Ramchhuankimi, Champhai Vengsang Project Veng te pawl cun kum 2001 October ni 15 ah Pu C Sangchia Aizawl Zarkawt veng thawn an fale cu mirang ramah an kuat. an pitlin tik hnuah an sungkhat pawl thawn biak aw nai leh ding tiih theihter an si mi cu tu kum 22 an kim tiang zianghman an thuhla theihfiang a um nawn lo ruangah lalruatmawii pa Ralkapthanga cun mani sun ah Aizawl Police Station ah a fanu thu hla theih duh in FIR a peknak cu a si.

Lalbawihi pa Ralkapthanga hnen ihsin thu kan dawn danin a fanu Lalruatmawiih hin Pu C Sangchia ih mirang ram nauhak kuat theu ti cu ziangtin simaw a rak thei. Mirang ramih feh a cak ve ruangah Sangchia cu an sut fel tiin thudawn a si. Pu Sangchia cun a feh ter dan le hitin a rak sim “Mirang ramah ca an rak zir ter dingih, an duh zawng minung a si ahcun a enkawltu sungkua pawl cun an ro tiang khal an khawm ter ding. An upa hnu ah an duh ahcun Mizoram lam khalah an rak tlung sal ding. Kum a kim hlan sung hmuah cu nu le pa pawl ih biak theih asi lo, an biak sian lonak khal nu le pa tampi in an fale lungleng in an ret, cuvek cu tha an tilo” tiih a rak sim thu an sim.

Pu Sangchi thusim mi cu an rin san ngam ruangah Kum 2011 (2001 tiih ngandinga si ding ka zum an ngansual a si ding. ed/-)  Oct ni 15 ah C Sangchia kut ah an pe, an fa le hmailam khua hrang a that tuk ding an zum ruangah an rak simve mi nuhmei Ramchuankimi khalcun a fanu kum 3 mi Chhunglawmzuali cu a feh ter ve cih tiini Pu Ralkapthanga cun a sim.

Ralkapthanga ih a sim dan ahcun tui kum 2012 June thla ah Sangchia cu an va be leh ih, an fanu biak an duh thu an sim ih a kum khal kum 22 a kim zo thu an va sim, Sangchia cun “Zianghman thuthar a um lo’ tiih a rak let. Pu Ralkapthanga mangbang cun Aizawl ih CHAN hotu pawl cu a sawm. CHAN a Human Trafficking lam buaipitu pawl hin rak bawm cih in Pu C. Sangchia cu an va sut leh ih, Pu Sangchia cun ‘Khuang zuarhlo ih ka kuat a si” tiih a rak sim tiin thu dawn a si. Pu Sangchia hin ‘nauhak nu le pa pawlin cuvek ih tuah dingin siannak an pek lawng siloin Affidavit khalah hminnem an tuah ih, hinah theihpi tu pawl khalin an hmin an nem ve’ tiin CHAN hotu pawl cu affidavit xerox copy a rak pe tiin an sim bet.

Ralkapthanga hin Sangchia hmaiah affidavit hminnem zianghman an tuah lo thu le, an fanu an ap laiah affidavit xerox copy Pu Sangchia ih a rak pe miih hmin nem um ve, a nupi hi khai canah a um ve lo tiin an sim. Sangchia affidavit a tuahmi a hminnem khal a mai ta taktak silo a lem tuahmi siin an sim. Zohciknak ihsin a hminnem taktak, nauhak an pek hlanih Bank Account an tuah laiih an hminnem copy khal FIR ah tuahnakah an theh lut tel ve cih. “Kan fanu hi a umnak theihin, a mah rori biak kan duh a si” tiin Pu Ralkapthanga cun a sim.

Pu C Sangchia hin kum 2003 ah hauhak thuhla theihbet ding um nawn lo ih a rak kuat dahnak thu ah MZP pawl le nauhak sungkhat pawl in thuhla tumzet an rak nei zo. Khatawk ih an kuat mi pawl khal tutiang an thuhla theibet a um nawn lo hmang tiin Human Traffiking zingzoi CHAN hruaitu pawl cun an sim.

Comments

comments

Comments

%d bloggers like this: