Pu Rual Than Khum (ICA-CEO) Malaysia Tlawnnak

480646_430666563679928_844049038_nKuala Lumpur: Institute of Chin Affairs (ICA) ih Chief Executive Officer(CEO) Pu Steven Rual Than Khum cu Malaysia ih um Chin mi beunak hawlpawl (Asylum & Refugee) vehvaih ding ah August 03,2012 a um nak ram Australia ram ihsin a pok suak.

Malaysia a thlen tik ah Church pastor le FRO ih tuanvo neitu le hruaitu dangdang pawl thawn a can neih sun hlung hlai zet in a hmang thu don a si. Malaysia a cam sung ah Chin mi beunak hawl pawl tongletsaktu zung lam tuanvo neitu-32, hnamtin hruaitu palai pawl,kawhhran hruaitu upa pawl thawn Myanmar Education Center (MEC) ah ICA fehpi dan le hmalak dan pawl simfiang nak a nei ih ramsung um tuanvo nei pawl khal in an harsatnak pawl burkhawm nak an nei.

Steven Rual Than Khum (CEO) cun Malaysia a rat nak hi ICA thu sim ding siloin Chin mi beunak halw pawl vehvaih ding hi lungthlitum a si thu simfiang nak a nei hnu lawng ah ICA hnatuan nak pawl simnak anei thu don a si. FRO ih tuanvo neitu pawl khal an lungawi thu le hitivek in kan Chin mi sung ihsin mipi vakvai pawl in hngilh siang loin vehvaihtu an nei ruangah an lungawi thu pholang nak a nei.

August 05, 2012 (Sunday) zing khal ah Lai Christian Fellowship (LCF) ah Pathian thuthang simnak caan tha a nei ih khawmtu mipi pawl mithmai ah lungawinak thinlung a khat hmuh theih a si thu don a si. Pu Rual Than Khum lawng siloin ICA ih Board of Directors Pu Thawm Mang le Pi Cheery Zahau khal Europe ram ih um Chin mi pawl vehvaihnak an rak nei zo ti thu khal theih bet a si. Culawng hman si hrih loin Canada ih um Chin mi pawl khal cu ICA senior consultant Rev. Hre Mang le Pu Tuan  Ling Thang (BD) thawn thazang peknak le mipi thawn hmaiton nak an nei zo ti thu khal theibet a si.

Theihtha: Kan Chin mipi nunkhawsatdan ruatkhawm dingin rinsanmi mino, upa pawl cu Canada, Australia, Europe, Thailand le USA ram pawl ihsin ra suakkhawm in Indianapolis khawlipi ah May 4-6, 2012 ni thum sung “Global Chin Affairs Conference” tuah a si.

Cumi Conference ra kaitu zapi lungkimnak in lungrual thathote’n Institute of Chin Affairs (ICA) timi pawlkompi din suah a si. Himi pawlkom ah 1988 tlawngta hlun le hmun dangdang ih rinsanmi mino upa pawl tla an tel. ICA hi US cozah khalah official in register tuahzomi asiih, US Employer Identifiction Number (EIN) le Bank Account pawl khal felfaiten a neizo asi. Thuhla famkim theibet duh hrangah http://www.chinaffairs.org/ ah famkimzet in zohfel nak neih theih a si.

Comments

comments

One Comment

  1. Pathian in ICA cu hruaitu tthattha hmang in kan Chinmi le rampi hrangah hmang sinsin hram seh….ICA a dinnak thla 3, 4 lai lawng a si hrih nan, a hnattuan mi le a rah suahmi hi mang bangza a si. Mipi kan hnangam….ICA nun khua sau hram seh!!!!

Comments

%d bloggers like this: