Chin Person Of The Year – Pu Ngun Thawng Thutawi le A Thusim Mi

 

Chin Person Of The Year – Pu Ngun Thawng

thuhla thawn theithiamlonak le buainak a suahlonak dingah tiin tawlreltu upa hnen ihsin CT Editorial ah ca kuat kan ngahih a hnuai lam vekin

Chin Person Of The Year – Pu Ngun Thawng Thutawi le A Thusim Mi

mipi hmaiah ka tar lang duh a si.

Ngun Thawng Thutawi

 

Hmin: Pu Ngun Thawng
Umnak Khua: Mandalay
Suahnak Khua: Khiangrawn
Hnatuan:
Assistant Director
Internal Revenue Department
Shweboo, Sagaing District
Suahni: 27 August, 1957
Pa Hmin: (Pu Kap Ling )
Nu Hmin: Pi Lian Nei

Innsang Nu Hmin: Nu Hnin Shwe

Fate Hmin:
1)      Mai Sui Din Mawi
2)      Mai Ngun Hniang Par (MBBS)
3)      Mai Mang Em Sung
4)      Mai Mang Sin Thluai
5)      Salai Mang Cin Lian

Contact:

Email:ngunthawng11@gmail.com
Phone: 09- 560-0392

Khua le ram hrang ih hnatuannak Pawl:

1.      Falam Tlangleng dawhhna Cement in dawlnak Ks. 2,200,000 (2009)
2.      Zomi Theological College (Library) hrang Telephone Ks. 1,000,000 (2008)
3.      Falam Khawpi hrang (Vankau) Ti-innpi Ks. 6,000,000 (2009)
4.      Tipipe Leinak hrang (FIDO) Ks. 3,600,000 (2010)
5.      FBC Resource Center Skynet Leinak Ks. 2,000,000 (2011)
6.      Mino Thingfa phunnak vei (2) hrang  ks. 1,000,000 (2009)
7.      Calai Seminar Hrang ( The World is Flat) Ks. 700,000 (2010)
8.      Falam Pacang No Pawlkom Thingfa ciinnak hrang ks. 600,000 (2011)
9.      Falam Canbary Dawhhna remnak hrang Ks. 500,000 (2011)
10.     Khiangrawn – Lotharawn lamziin cehnak hrang Ks. 1,000,000 (2011)
Zatekom : 18,600,000 (Ting Za le Sawmriat Tingruk)

Sunmang:

1)       Khuitawk hmun ih um kan sikhal le a cangthei tawk in Lairam le
Laimi hrangah tuan ding.
2)      Lairam tlansan lo in thansoter sawn ding.
3)      “One Dollar for Falam” tiah thansonak Sumhrampi Kyat Tingthawngkhat amalbik neih ding le hih fund hrangah Kyat Ting Zakhat tiamkamnak nei zo.

 

Pu Ngun Thawng ih Speech

(30 August, 2012 ih nganmi)

Zohthimtlakbik timi ngah hi thil duh umzet a si. Zuamawknak in silo, beisei umlo riai in ngah a si tikah lungawi a zual. Ziangah tile mi in in lungkimp, in theihpi ti a langruangah a si. Tuvek ih thiltha a tawlreltu Chin Community USA le Lailun Foundation le tuanpi zate, hmun khat ih Lai Kumthar a hmangkhawmtu ramleng ih laicin seempi nan zate, ram sung ih duhdawtnak a neitu u le nau zate, cibai lo buuk phah in lungawi thu ka lo sim hai.

Asinan, tuanmi thawn cuai vun thlai tik ahcun tuanmi cu titham lote a si hi poi ka tizet. Lairam ah Kan tulsammi a tamtuk ruangah ziang kan tul tihnak in , ziang kan tul nawnlo timi sawn relsehla amal sawn ding ka zum. (Thuthimnak, Khua sik tuknak, farah tuknak, tlangsang le horkuam thuktuknak ti pawl hi kan tulbet nawnlomi an si).

Falam Khua in poimawh zet in kan tul tiih ka hmuhmi pakhat cu “tidai” a si. Cumi hrangah ah rualpi tha Kawl le Taluk pawl hnen ah bomnak ka dil ih siangzet in in rak pe theu. Keimaih sumpai cu malte a si.

Kan ram a har, kan farah kan ti theumi hi Bawipa in a mi pawl Cawhnawi le khuaiti a luannak ram ah ka lo hruai lut ding a timi thawn vun zohcih sehla cuih pahnih cu ei cawklo in rak um ciami an silo. An tuan hnu lawngah cubang pawl thattheinak le tamtheinak hmun a si ti hi a si sawn ding ka zum. Kan ram ah hrampi le thingkung phunphun a kho thei, mi cun nelrawn hman hring demdem ih an tuah thei ahcun a phunphun ciingin, lamziin kaaza in kan ram kan tuahtha thei ve.

Hih hlan ahcun Laimi lakah kan nih Falam pawl hi midang hnak in kan khua le ram kan tlansan, kan dungtun cuang in ka hmu. Tuihnu lam cun khua le ram seherh duhdawt hna kan thiam vingvo ih ka lungawizet. Tui’si thok in kan thuruahnak, kan tikcu, kan neihmi hmuahhmuah ih amalbik “Then Zakhat ah Thenkhat” hi Falam hrangah ti’n tangkhawm thei sehla a va tha zik em. Cumi thawn peh aw in sunmang a simi “ One Dollar for Falam” ti in tangkhawm cio dingah ka lo sawm hai.

Bawipa in kan ram hrangah khawkhan mi a neih ka zum. Cuih thu cu zamrangte’n run thlenter hramseh. Kan ram ih lungngainak hloral lohli hramseh. Nan zate tlun ah ka lungawizet.

Tawlreltu

Lailun Foundation & Chin Media Pawl

(Visited 174 times, 1 visits today)

Comments

comments

22 Comments

  1. CONGRATULATION PU NGUN THAWNG,

    Falam hrang ih na peeknak le na duhsaknak pawl cu tidai harsat a tongmi, farahnak sungah a cen aw reromi Falam hrangah kan thathnempi tuk.
    Lam hla ihsin ziang theilo pawl ih aukionak aw pawl cu meikhu bang in hlo thluh men hai seh.

    Kan ram le miphun hrangah tang sinsin aw……

    Falam Hlumtu

  2. Pu Ngunthawng, na pekawknak a ropi riai. Minopawl in kan lo theih lo tuk hi kan lammi lakah na um tuk lemlo a si ding ka zum. Hivek ih siangzet ih peknun kan neih dinghi ka duhbikmi a si. Ram le miphun duhdaw tisi, neihmi ui ttengtteng cu ka zum hai lo. Pathian hnattuan sinsin cun kan pek awk sinsin a ttul tin ka pawm.

    Thudangah:

    Sumpai a pekmi zohin upapawl in an rak hril a si bik ko. Daw Suh cu sumpai cun a ttuanmi rel ding a um hlanah awards cu relcawk loin a rak ngah ve cu teh. Ziangtin… a pumpekawknak an zoh sak. Leitlun ih Awards sangsang ngahpawl khi sumpai ih investment an tuahmi hnakin an pumpekawknak an zohmi tampi an um. Obama tla a ngah cih mai.. Kannih khal cuvek kan thlir thiam a ttha ding. Pu Tial Khal tivek tla hi zohtthim tlak an si lo ke maw???

    Ngah kan duh ve asile: Kannih khal ngah kan duh ve asile sumpai thawn ram le miphun hrangah kan ttuan taktak a ttul tinak a si hi. AMEN. Zohtthim dingah upapawl in lamzin in sialsak a si hi. MILIANpawl Kutah rampi/miphun cu a um ti a fiang sinsin.

    Ting 200 thuai ah zohtthimtlak kan pek cu a lungawi um tuk. Asinan, ting 500 lenglo Falam hrangih cem kan theih ban lomi tampi an um si khaw. Ram le miphun hrang ih zohtthim tlak ih hnattuan kan timi hi ziangvek hnattuan ttuantu ha an si, zovek ha an si timi lawngte theih a cak um zet. I sut uhla zarhkhat sungah DETAIL ten ka lo sim thei hai ding… Kan theih lomi cu nominate ngaihnak um hlah maw…

    Caleb Laltinhrem

  3. Pa Hrem a nung Pathian tih zah nak thawn hi vek ca cu ngan nawn hrimhrim lo awla cu a tha.

    Ca dang na ngan mi ah na fim ih lo ruah zawngah hi vek na buaihbo ih nasan zawngah nang mah te na vun nam thla awlala si lo sawm hi.

    MI DANG THAT NAK NA TUAH THEI LO ASI KHAL LEN MI SIAT NAK TUAH AW HLAH
    MI LUNGAWI ZAWNG NA TUAH THEILO HMANAH MI RIAH SIAT NAK TUAH AW HLAH. Pathian thu cu ka hnak in a let za in na thei sawn koih “NA TUH MI CI BANG IN NA AT DING”

    Mi na thu na ngan mi hi nang mai thu mi ih lo ngan sak sisehla ziangtin ha na rak ruah ve ding?
    Na ca ngan mi rak aur zet ve dah tu

  4. hniangte:: Kei thuttha in si ka ngan, thusia ka ngan lo. Ka lungawipi tuk lam,asancu Falampawl hi peknak kan cak lotukih,,, zohtthim tlak tukin ka ruat ual…. Midang khalin kan caawn dingah ka duh lawlaw. Pathian hnattuanpawl khalin, cun ram le miphun duhdaw tiih umpawl khalin…. ka tinak a si.

    Thudangah ka timi cu::: paisa pekih ngah a si ruangah thu cu ka rel men naa ee… Midang khal hizat peaw ka theihmi an tam tuk ih ho khaw….

    Cutin mi rak ti lala aw…::))

    Ca na siar sual a si hmang

  5. Dear Laltinhrem,

    Kei na cangan ka uar.
    Rel vivo mei aw.
    Na ngantha thei zet si.

  6. Zohthimtlakbik Tawlreltu Committee,

    Nan hnatuanmi nan titha.
    Ramsung ramleng zalen tak in vote theinak kan nei. Kan duhduh kan vote cio ke cu.
    Result thaten nan run suah hnu kahl ih lung rak kim thei cuanglo pawl cu hnawmpungah hlon men ding.

    Hmailam khal ah rungtang zel auh…

    Kan lo dinpi.

    Sui San Lal

  7. Zohthimtlakbik Pu Ngun Thawng in a ngah hi, ngah tlak in a tuan ve ko in ka hmu. Ram leng mino cun a thei nan tam tuk lo men thei. A nih hi tong tam tuk lo peknak lamih tuan mi hi a si. Mandalay khalah Falam mi lawng si lo, Laimi harsa an um cun theitawk ih rak bawm ringring tu asi. Falam thansonak hrangih a siannak le mi bom duhzettu a sinak pawl hi ZOHTHIMTLAK a si ko. Mi dang nominate mi pawl khal ZOHTHIMTLAK an si theh ko. Pu Ngun Thawng ih a ngah hi ka lungawi pi.

  8. Pakhat pa in Bible a siar.

    “Amai nu le pa hnakih i duh sawnlotu cu ka dung i thlun theilo ding” timi…
    Pathian hi miaa a si hi a ti awk.

    Midang canganmi an ngansan le an duhsan tete tthaten kan theih lo ahcun Pathian hi miaa titu thawn kan bangaw ding.

    PEKNAK thawn hna kan ttuan sinsin theinak dingah keicu kan cawm dingah le zohtthimmi si kan duh asile kan pek a ttul ve ti khi ka goal duhmi cu a si nan..

    Peknak ah FALAMpawl tlan zuam aw uhsi…

  9. Mi ih thil tha an tuah ruangih an ngah a si mai. Ting 500 ih Falam hrang
    rak tuan zo tu pawl hna kum len run tarlang uh la vote an hmuh tam bik cun
    an ngah ve ko ding.
    Mifel mi fim zet hmang kan ti mi pawl thu khat par ih an comment tam dan ihsin an fim le fim lo le an thing lung, kan nih mi aa te hman in kan thei thiam thei.

  10. Dear Pu Ngun Thawng,

    Hivek cawimawinak na dawng thei hi ka lo lungawi pi tukssss
    …na ngaisan um nasa.
    hmailam khal ah kan Laimiphun thansohnak hrang a tak ih tuantu si vivo hram aw..

  11. Ka nauhak tuk ruangah maw!
    Hawi hnen ka pawl lo tuk ruangah ha,,,,,
    Person of the year ngahtu hi ka theih dah mi asi lo riai.

  12. H. Sui ih nganmi a tha tuk.

    Unau sempi zatein,

    Tulai hi “Person of the Year” ah nominate lai in kan buai ih a thehhnu tiang kan buai. Tong mawi lozet tla kan ngan ih a poizet. “Ziangruangah hitiin kan buai” timi thuhram maltein run tarlang sehla –

    “Person of the Year” ih Sullam pawl

    Mirang ih “Person of the Year” hi kan Chin tong in “Zohthim Tlakbik” tiin kan letta a bang. Cumi zohthim tlakbik kan tahfung pawl an bangawk lo ruangah kan buai celcel a si hmang. A sullam kan theihdan pawl cu a tanglam vek hi a si.

    1. Mi tampi ih theihmi milar

    2. Mai hnatuannak ih hlawhtlingtu mihlawhtling

    3. Chinmi le Chinram hrangih tuantu mitaima

    4. Falam khua le Falam peng hrangih bawmtu mitirhsiang

    5. Pumpak ih kan uarmi mipipa

    6. Chinmi tampi thawn hnatuan theitu milangsar

    7. Chinmi le Chinram hrangih pumpetu miraltha

    Adang tla a um lai thei men. Tui tum hrangah Falam khua le ram hrangih bawmtu mitirhsiang in a ngah tikah kanmai rak tahdan, kan sullam theihdan thawn a peng ih kan buai celcel si hmang lo maw? Ahleiceih, buaitu pawl hi zo pawl an si pei? “Milar maw, mihlawhtling maw, ,,,,,,, “ pakhatkhat lawng rak zohtu a si ding ka zum.

    Ruat ding men ah tiah,

    H.Sui

  13. Dear Saya Sui,

    In run simfiangnak parah a siartu Mino zaten kan lungawi cio ding ka zum.

    Keimai Ruahdaan

    Tuitum “Person of the year” thu ih buainak cu kan tahfung(criterion) lam si lo in Vote pek daan lam si a zum um.

    Ziangahtile tufang Ramleng Ramsungum Chin Mino thinlung la biktucu Pu No Than Kap, Pu Than Bil Luai le Pu Van Kyi te pawl an si cuteh. Mino pawlin kan uar tuk vekin Falam lawng silo Chin mipi hrang khalah theitawk hna an tuanih an tuan zat khal a tamsawn cun kan thei theh.
    An mah pawl tlukih Ram hrang hnatuan cu tufang ah an um lem pei maw tin Mino tampi thinlung ah a um.

    Cucu an mah bulpak duh men ruangah a si lo Ram le Miphun hrang an tuan ngaingai. Zohthimlak website ih comment ngah tambiktu khal an mah pawl an si. Mino tam sawn cun an mah pawl kan vote ti theih a si.

    Asinan Mino tampi ih ruandan vekih thil a ra can lo tikah Mino tampi cu an mang a bang si ko.

    Hnatuantu pawl hnenih Rinhlelhnak ummi malte

    Mipi hmaiah, Pu……. cumi in cuzat Vote a ngah ih himi pawlin an Vote tin a vote tu khal hminlang theh in an Tarlang lo. Kum dangih an tar lo khal le hivek thubuai um cin ahcun an Dingfel ngaingai ahcun tarsehla ti a si.

    Person of the year tarlang a si veten Zohthimtlak Web zoh a theih nawn lo.

    Hilo khal a dang tampi a um lai ding. Himi hi mino tamzet au-aw le ruahdan a si. Tuitum ih a ngahtu hi zohmanin kan dem lo ih ngahtlak a si ti cu kan thei theh. Kan sunlawih kan lungawipi.

    Mino tampi mangbang buainak bik cu Pu No Than Kap, Pu Than Bil Luai le Pu Van Kyi pawl hnakih mimak thiltithei hnatuantam le zohthimtlak a um ah kan rak neih lo.

    “Cunah si Group Mail ih ka ngan Mino pawl kan mai thutheih a mal tuk ruangah kan buai tla a si kei” ka ti.

    Ka Lungawipi tuk Pu “Ngun Thawng” Person of the Year.

    Ting Hlei Thang (NCT) ih a comment.

  14. Chin Person of the Year ti nak in Falam Person of the Year
    ti sehla a tha sawn men ding ka zum… A ngah tu cu Ngah tlak hrimhrim in ka hmu ve..lungawi um na sa../

  15. khawi lam ah.., a tawl rel tu pawl cun zo nih vote cu zah a ngah ti le a vot tu pawl hmin list cu zg tin an tar lang ngam dg?? zg ah ti cun thil fel lo a um ti a ciang rori rg ah. tu a ngah tu pa hi a tling lo, ngah tlak a si lo k ti nak a si lo.
    kn dung ih an rawn tar lang mi ah Pu Ngun Thawng ih a vote ngah mi kha mi dang hmuah2 ih an ngah mi vote ai hman in a tamm sawn, k zum lo law2, a cang th lo k ti ngam rori.zg ah ti cun a vote tu pawl hi mino kn tam sawn ruang ah,tu a ngah tu hi mino a tam sawn in kn thei lo.kei khal k th ngel cel lo, k mawh si ko seh.
    thu ngai in le zg fah ten CT hi ding ciang ngai le thu dik par ih a ding ngam tu ti aw pawl khan (a ti aw an um rg ah) pawl khan list tuahh in rawn tar lang hram hnik uh law. Tui tum nan thil ti rg ah Falam kn lung rual nak a tak darh sal thluh tum tlat mei.

  16. Dear,Lal Tin Hrem
    Na ca ngan mi hi ka rak siar theu ve, ih a tam sawnah cun na duhtawkin Mithin na ding zawng in na ngan ih na ngan theh in le Thu Pha na cawi ciamco sal theu…Mitha cu na si thei hrimhrim lo ….”.NA HMUHNAK A KAU VEK IN RUAHNAK KAU TER VE AW”

  17. Rihli ih a ngan mi…

    Burma Ram Feh Dan Ding Pt XXXIX

    Dr.Runbik Taithio

    Zohthim Tlakbik Hril Dan Ding Thu Ah

    Chin Pawl Pi USA le Lailun Foundation pawl i kum tin tuahmi Zohthimtlakbik Lawmman pek cu theh a si zo vi,Pu Ngun Thawng in a ngah ti khal kan thei thluh.Himi thu ah a ngahtu puan a si pek ah mi hrekkhat i rin vek a rak si lo ruang ah a tawlrel tu pawl lam lam tlunah sawisel tla kan rak um pang.A si nan Falam lam i sin leh a tawlrel tu pawl i thufiang in run sim tik ah cun Pu Ngun Thawng in tling le tlak zet in a ngah ti cu a fiang ta a si.

    Pu Ngun Thawng A Ngah Thei Dan

    Pu Ngun Thawng i a ngah ti ka theih pek ah ngah awm bik a si ti cu ka pom rual rual in a mai hrang i rak tuan nasa pawl an um ti cu ka thei mai.Ka rak rin dan ah cun Falam le Tahan i sin a mah bom in an rak tuan ti ka ring a si.Tu ah kan run thei i,Falam khaw mi pawl in a rual in vote dan ding anti mi dan pawl zawh kim in,Pu Ngan Thawng an vote thluh ti cu a fiang.Tui kum i hrilawk nak dan ziang khal a kalh nak a um lo.A si nan hnakum lam hrang ah cun hril awk dan hi thleng seh la a tha ding ti a hnuai ah ka run ngan.
    Cule Falam khua pawl lawng in an vote lovi,Australia i sin ka nau Mang Hlei Sawn khal in a rak vote thu Rihli ah a run tar lang zo.Ka nau cun a nau rori Sui Thawn khal candidate a si ve nan Pu Ngun Thawng ka vote a si a ti.Ka sim duh mi cu Falam khua mi pawl lawng in Pu Ngun Thawng hi an vote a si lo.

    Pu Ngun Thawng hi Falam peng le Falam khaw hrang i sum le pai i tuan bik a si ti cu thu thei pawl cun nan thei thluh ding.Cule,tu vek i mipi vote i hril ding a si ah cun,rak pawlsawm thei (organize )thei thei lam in mi ngai pi hrang i an tuan ah cun an ngah ring ring ding.Cutik ah cun Tahan pawl rak cang seh la Dr.Than Bik Luai in a ngah ding i,CPP pawl cang seh la Pu No Than Kap in a ngah ding.Cuti vek tho tho in Rangoon Laimi pawl i tan lam nei i an tuan ah cun Saya Thang Tin Sum in a ngah men ding i,Malaysia pawl i an cang ah cun Saya Run Cung Mang tla in a ngah ding a si.Himi dan ah hin ngah tlak lo em em cun an ngah lo ding nan tuanpi tu nei tha tha in an ngah ding ti nak khal a si ding.

    Hnakum Hril Dan Ding ah

    Cui raung ah cun hnakum hrang ah hitin teh ruat cio uh sih la.Tu vek i ramsung le ramleng i um mi pawl hril a theih ti cu a tha tuk ko.A si nan mipi vote hi cu ti tawp seh la.Ziang ti vek i tha khal hman seh la sawisel tu cu an um ring ring ding nan tui kum cu sawisel tu an tam deuh aw.Pu Ngun Thawng hin ngah lo seh la,amah tantu pawl in an sawi sel tla a si men ding.

    Cui ruang ah mipi i hril si nawn lovin committee i hril ah kir seh la.Committee ka ti tik ah election commission/committe lawng si lovin Chin Pawlpi EC pawl le Lailun Foundation EC pawl in hril mai uh la Election .Committe member pawl i vote pek thei le thei lo cun nan thu thu siseh la.Candidate pawl i hmin tlangzarth le zarh lo khal a tha nan ti vek in siseh la.A that lo nak pakhat cu,kei mai nominate mi Saya Sui Lain Mang tla khan a hmin a lang tik ah kei cu in ti aw hlah a ti i,a hmin kha hnuh sak a tul.Candidate hmin tlangzarh lo a si ah cun nan mah committee pawl lawng in nan thei ding i,zo hman in ka tel lo ding an ti thei lo ding.

    Cule nan hril mi bik i thu hla cu kim cang tei tarlang leh cu a tul kei.Hril dan ah cun,a hmaisa ah candidate/nominate i nan hrilmi pawl thu hla kha nan mah committe pawl lawng te kha nan zoh aw tir ding i,an thu hla a tam thei bik in nan simaw ding i.Cui hnu hril can a thlen tik ah mi pakhat in choice 3,1st.2nd.3rd. ti tla in nan nei ding i,1st. cun mark 3,second cun mark 2 tla maw nan pe ding i,a tawp ah cun nan kom khawm ding.Vote thlak tu kha mi 20 lai maw nan si ding i,a kom khawm nak ah cun election commission pawl lawng mi 5 maw 7 lawng maw nan si ding i,mark komkhawm tu kha mi 3 tla nan si ding i,a dang dang i nan um hman ah tu lai internet san ah a theih tho tho.Puan can a cu hlan ni 3 hrawng ah maw nan mah lawng nan thei kei,a ngah tu pa/nu kha suh ding dang pawl nan sut kei.Hi pawl hi hna kum hrang i a tha ti ka ruah mi a si e.

    A tawp ah tui kum Zohthim Tlakbik lawmman dik zet le tha i tlun ah bang zet i in tuahsak tu Pu Fun Dung le hotu dang pawl tlun ah lungawi thu ka sim i,a ngahtu Pu Ngun Thawng khal ka lawm pi sal e.

  18. Dear Bawi Thang,

    Mi ttha na si le thil ttha tampi tuah aw hen. Mittha tahnak cu an tuahmi ho khaw. Jesu ih ttawngpawl, Paul ih ttawngpawl zohaw la atu ih Laltinhrem na timi pa hnak hmanin an ttawngkam hmanmi hrekkhat an koh sawh.

    Midang commenttupawl zoh hnik…an mak tuk aw…

    Na bang lo tuk aw…

    Miraltha,
    Tahan

  19. Hey Bawi Thang, Na hmelpi thawn loti na tul ding a. Na Pi Aungsan sukhi hi mitha na timia si ko ding, a tongpawl cu awl lo lawlaw. Misia mitha kan tahawknak cu kan tongkam a si lem lo sokhaw, kan tuahtuanmi sawn a si. Awkam thlum duahdawn tongpawl mitha ah na neih si pang pei. Awkam hrang nawnpawl hi mi tha lo ah na ruat pang si pei…Hitler tla tong lem loin sual tak a si kha.. Aungsan cu a tong vohvo nan, mitha a si fawn. Na biakmi pa tla cu na banglo nasa ding. Ka theihfengmi a si, nangcu ca lawngin na thei. Leng ve aw la, na tongmi na sir aw ding… na mangbang roriding… na zum lo lam ding…

    Mi tha cu tongkam in an tah loih an nun le tuahtuanmi ih mifel le mithapawl cun an tah.. nang mi ttha ziangha na tuah ve ce??? a sir hman na sik pei maw???

    Salai VL Thang

  20. Lal Tin Hrem. Miraltha. Salai VL Thang hi mi pakhat an si ding. An cangan dan le hmin ngan dan pawl a bang aw. Ning zah thlak tuk. Mah le mah tha ih thei awk cu

  21. Dear, Lal Tin Hrem

    “Person of the Years” thu ah a thok ih sin na buai zo. ” Tet Mon Mit”(Zung Cer Mawi) thu hla ah ngai nuam lo zet in na tong tam tuk zo. A tu khal ah pu Ngun Thanwg hi na soisel vek, na porh vek in na um aw ter ciamco lala.

    Minung tifam cu na kiang nai ah na rel siat rero mi ih sung le khat tla an um thei ti kha na hngilh lo ding a tha. Fim khur ten um aw. Na ralring thiam lo len na zum lo pin na tuar ding sokhaw.. Ka lo ning zet thlang ti thei aw.

  22. Lai pacang, ziangtin si pei hivek na au men. Nang ih nin le nin lo ah zosi buai ding. Na pacang lo tuk aw. Thu hi personal attack tuk in feh pi aw hlah. Na hrang a tha ve ding lo. A dik na timi rel ve aw. Midang tong le ca ah cun an duh san tla sut ta hmen. Khuiti lam mi control tum cu…ziang ha na ca duhh san? tin sut aw keut ko ding kan si, thu kan duh ceng meng si le…

Comments

%d bloggers like this: