Pu Con Bik thuanthu cabu a lak in tlawngta pawl an zem ding


Chin miphun dothlengnak hohatu Pu Con Bik le Chin paral tha pawl in Mirang ral an rak dodan thu nganmi cabu cu Chin ram le hmun dang tlawnginn pawl ah a lak in an zem ding.

Himi cabu hi Chin Phunpi Ni February ni 20 khel in an suah ding.

Cangantu Salai Van Cung Lian(UK) in “Ka focus kha nauhak pawl si. Thangthar nonawn pawl hi thuanthu thawn an thang lian ding ka beisei. Minung cu ca kan siar hmaisabik mi hi kan ruh ah a tang. Cunah hmaisabik an siar mi si thei ding duhsannak in a si. Cule annih pawl cu paisa an nei hrih lo ruang ah hi pawl hnen ah Free in ka zem tum nak a si. Nauhak pawl cu ka hmu mi pawl ka zem thluh ding. Cun Library ka thei mi hmuah hmuah cu hlu ka tum. Ka thei lo mi pawl um pang si khal len in dil thei” tiah a sim.

Bu za nga a suah ding ih cumi lakah bu za li cu a lak in an zem ding.

Cun cabu sungah Chin san thuanthu thawn pehparmi zuk mankung tampi an tel ding.

Cangantu pehtlaih duhtu pawl cun Facebook: https://www.facebook.com/van.lian ၊ Email- vancunglian@gmail.com le phone: 00447860682481 ah pehtlaih a theih.

Salai Van Cung Lian(UK) hi Falam kum (123) kim kekarnak pawl, Ralbawi Pu Hrang Thio thuanthu cabu pawl ngantu a si.#

Ref: Za Len

Comments

comments

Comments

%d bloggers like this: