Prince Harry le Meghan Makle May Ah Kutsih Ding

Britain lal fapa Harry le a nupi hual Meghan Makle te cun hmaikum May thla ah kutsihnak neih dingin leitlun mipi hmaiah an tlangthan. An kutsihnak ding hmun hi Windsor Castle ih St George’s Chapel ah a si ding.

British lal tohkham coban theitu thisen hrihram nei Prince Harry kum 33 mi hin American zuknung lemcang thiam kum 36 mi Meghan Makle a nei ding. Prince Harry hi lal tohkham cothei dingin tlar 5nak ih um mi a si.

A neihnawknak hi sunglawi zetin an tuah dingih, lal sungkua pawl in an cemliam mi a tehrek in a zaten an pek sak thluh ding. Lalnu Elizabeth kum 31 mikhal hi neihawknak ah tel a tum tiin thuthang cun an tarlang.

Markle hin an neih awk hlanah Church of England ah a lut dingih cutin US ihsin a vaihnak ding ih `ul mi pawl khal a tawlrel thluh ding.

An pahnih an ngaihzawng awkdan rel culci mi lak ihsin an mah ih an rel dan ahcun, an rualpi veve ih khihhmuhnak ihsin tongaw an siih cutin an hmuhawk veikhatnak ihsin an thinlung an kai aw cih tiin an sim.

An neihawknak ding hrang ih an hrilnak hmun hi hmun thupizet asi. Tui an neihawknak ding hmun hi British siangpahrang le lalnu ih rak um ringringnak hmun a siih kum 1000 lenglo ih upa lal hmuan le biakinn ropi zet a si.

Hi hmuan kulh le biakinn kulh sungah an cithlahtu lal 10 lenglo; Henry VIII le a nupi Jane Seymour le Charles I pawl khal an rak phumnak a si.#

An Kutsihnak Ding Hmun

(Visited 133 times, 3 visits today)

Comments

comments

Comments

%d bloggers like this: