PresidentU Thei Sein Le Suu Kyi World Economic Forum Ah Sawm An Si

Irrawaddy | January 16

Kum 2010 World Economic Forum Neih Tum Suu Kyi Thusimlai

Kawlram president U Thei Sein le opposition party ropi hruaitu Suu Kyi cu Switzerland ram, Der Fort ih January 25 ihsin 29 tiang neih a si dingmi World Economic Forum ah sawm an si thu thuthangca in a tarlang.

Kawlram president U Thei Sein cun a telpi thei ding le ding lo cu theih a si hrihlo nan, Suu Kyi cun lailak hrilawknak hrang tawlrel tul hmuahhmuah tawlrel fel a duh ruangah a feh thei lo ding thu a phuang zo a si.

Asia, Aferica le Europe khuamual pawl ihsin pursumleilawnnak lam ih thuneitu langsar zet pawl, ram hruaitu pawl, scientist pawl, thuthang le calai lam ih milangsar pawl le zuknung cam thiam pawl, hlasakthiam hmingthang pawl le zuknung lemcannak lam ih tawlreltu(director) hmingthang pawl khal an tel ding thu thuthangca in a tarlang bet.

Kum 2011, January thla ih an rak tuahmi World Economic Forum ah cun Suu Kyi in mipi fehkhawmtu pawl hnenah thusimnak le thucahtawi relnak a nei ih Kawlram democracy dinhmun, pursumleilawnnak lam ih Kawlram dinhmun le ‘human rights’ thuhla pawl khal simfiannak a rak nei zo asi. Suu Kyi cun fehkhawmtu pawl hnenah Kawlram sung ih mifarah pawl in an ‘paingvo’ an ngah theinak ding thu, zirnak lam thansoh theinak ding le hriselnak lam ah khal thansohnak tamzet a um theinak ding ah Kawlram cu theiawkih bawmnak pe cio ding ah fawrhfialnak khal a rak nei a si.

(Visited 30 times, 1 visits today)

Comments

comments

Comments

%d bloggers like this: