President Hlun U Thein Sein In Asia Cosmopolitan Award A Ngah

Myanmar ram uktu hlun U Thein Sein cun East Asia Noble Prize tiih kawhmi ‘Asia Cosmopolitan Award’ cu January ni 15 ah Japan ram, Nara khua ah a va la tiah theih a si.

Myanmar ram Democracy thlengawknak ih hmahruaitu a si tiih pekmi a si. An pekmi laksawng pathum sung ihsin ‘The Grand Prize’ a ngahmi a si ti’n Economic Research Institute for ASEAN and East Asia (ERIA) cun a ngan.

“Kan ram hi tthangthar nonawn pawl hrang a tthabik ih hmailam tuahtthat ding, Asia ramhuap hrang a tthahnemmi ram tthangso si ding le a nuam ih a lianmi Democracy ram si ter ka duh” tiah laksawng a lak laiah a sim.

Asia Cosmopolitan Award ih a dang lawksawng pahnih cu Japan rammi, Professor Masahisa Fujita in Economic and Social Science Prize tiin siseh, Belgium rammi, Mr. Herman Van Rompuy in Cultural Prize tiin siseh an ngah fingfing.

Asia Cosmopolitan Awards hi kum 2012 ihsin pek thok a si ih 2012 kum ah siseh, 2014 kum ah siseh laksawng peknak an neih tikah U Thein Sein, Professor Masahisa Fujita le Mr. Herman Van Rompuy in 2016 kum hrang laksawng an ngah ti’n 7Day News Journal cun a tarlang.#

Lettu: January Van

Comments

comments

Comments

%d bloggers like this: