“Praise With Heart” Awnmawi Puai Neih A Si Ding!

CT News | January 28

“Praise With Heart” tiih hmin pekmi awnmawi hlasak puai (Live Concert) cu February 20 ni zanlam nazi 6pm ihsin 10pm tiang, PuDu Plaza kiangih um mi First AG Church ah tuah a si ding tin tuanvo neitu pawl cun an sim.

Himi awnmawi puai hi Chin Christian Youth International (CCYI) le Chinhill Collection pawl hohanak ih tuahmi a si. Hi Pathian hlasaknak hmun ih hlasaktu ding pawl cu tufang Kawlram sungih hlasakthiam hminthang Sang Pi, L Lun War le Chaw Su Khin pawl an si ding. Malaysia ram sungih um cia mi ihin hlasakthiam Kim Kim le Henry VL Hmangaih khal hi awnmawi puai ah an tel ve ding. Laimi sungih Guitar tumthiam Salai Cung Aung khal hi Concert hrangah Philippines ihsin a ra ve ding.

Hi Live Concert zoh theinak Ticket cu pakhat ah RM30 in zuar a si ih Falam Community pawl, FRO zung le hmun dangdang ah lei theih a si. Thuhla cipciar deuh ih theih a duhtu cun a tanglam vekin pehtlaihnak tuah a theih.

Wesley Bawi (017 882 5271); Than Te (017 343 5492).

(Visited 33 times, 1 visits today)

Comments

comments

3 Comments

  1. zoh ka va cak lawmman ve.
    A nuam na sa ding. Chin mi zuam sinsin uh law.

  2. Nan ti tha tuk ding ual.

  3. ava ropi ve aw… ka zoh ve thei lo ding cu poi ka ti uk… Laimi kan thang so tuk rori…
    tluang ten tuah suak thei hram uhlaw….

Comments

%d bloggers like this: