Pope In Mipi Malsawm pe

Surbung Thuthang
December 25, 2008
by-Pasum
Pope in mipi malsawm pe
 
 Pope Benedict 16 nakcun  Vatican ih St Peter’s Basilica Biak in ah mizan zanlaiah khawmawk nak a kaihruaiih Vatican ih Chrismas hmangding fehkhawm minung thawng tamzet pawl hnenah Kum 81 mi Pope Benedict hin thlawsuah a pe. Mipi lamkhalin Pope hi duhsak nak thlawsuah peve in hlamawi zetzet sakin can an hmang.  Pope hi khawmtan hlanah a mah hmuduhtu pawl hrangah  tukverh ah reilote a daksuakih  Bawizisu ih zuk tumpi  khuhmi a on thluhhnu in khawmhi an ttan, Himi Bawizisu ihzuk hi  St Peter’s Square ih Chrisma Tree tumzet kiangah ret asiih Pope cun leitlunih huatawk nakleh doawk nak ticem a duhthu asim. Middle East ih buainak a suak tharsal cu pawi atithu khal asimih  hibuainak tidaih nakdingah Pathian hnenih dil a ttul thukhal asim.
 
Bethlehem khalah Krismas hi sunglawizetih hman asiih mitamzetin Bawizisu ih suahnak hmun Biak in  Church of Nativity ah hlanthar awknak can an hmang. An lakah hin Israel in a hleice ih an ram luhnak a pekmi Gaza bialih um minung 200 khal antel. India, Canada, US, Britain leh ramdangdang ihsin kristian fehpawlin Carol hla mawi phunphun sakin can an hmang…
 
 
Iran President in Chrismas Thucah Sim
 
 British Tv Channel Four in  Iran President Mamhmoud Amehdinejad  ih Chrismas thucah a simding ruangah  UK ih Juda mipawl leh minung covo humhim tupawl cun an duhlo nasa ih,  Iran President hin Chrisma thucah a sim nakah. Tuisun Chrismas niah Bawizisu leiah a um taktak asi ahcun  a damlai vekin, sualzet leh nungrawng zetih rorel tupawlleh leitlun mipi zawnzai i leh in  tirawl harsat nak cu  a tireh ding asi ati, Hi thu a simmi hi mipi tamzetin an helhkam zetih. British TV Channel Four hi Private Channel Pakhat ih thildanglam deuh tisuah hmang zetttheu asi…
 

Comments

comments

Comments

%d bloggers like this: