Pope Francis In Rohingya Ti Lo Riai In Thusim

Catholic lalbik Pope Francis Myanmar ram a tlawnnak ih a thumsimnakah Rohingya timi ṭongfang hmang riai loin a sim. Hrinhnam pawl cimih tumnak tilam hoi cun thusimnak a neilo nan, a thusimnak ih a thupitbik mi lak ahcun hrinhnam pawl upat ding timi lam hoiin a sim sawn.

Myanmar rampi acozah nornak le neeknak lam hoiih a simlo mi ah Human right lam pawl cun an rak dem zet zo. Asinan Pope Francis in Myanmar ram ih dinhmun le umdan theifiang zetin a sim mi a si tiin thuthang thlirtu pawl cun an rak ti.

Pope Francis in Myanmar rampi hotu pawl le Suu Kyi thaw khalin tonawknak an nei. Myanmar ah nili sung a caam dingih Bangladesh ah a feh sal ding. Myanmar ramsungih sakhuanak dangdang, Buddist, Islamic, Hindu, Jewish le Khristian hotu pawl thaw khalin minute 40 sung tonawknak an nei tiin BBC cun a tarlang.

Tuini ah Yangon khawpi ah thusimnak a nei sal ding. Hi a thusimnak ah Catholic mi 200000 lenglo (Myanmar rampum ih Catholic zatek 40% tluk)an pungkhawm ding tiah zum a si.

Myanmar rampum 53 million ih sakhuanak ah Catholic hi 1%-1.3% tluk lawng a siih himi lakih zatek 90% pawl cu Karen, Kachin, Chin, Shan le Kaw pawl an si. Buddhist hi zatek 88% an si.

Khrihtian hi Myanmar rampum mipum siarnak kum 40 sung ih an neih mi lakih a pung cak bik mi an si.#

(Visited 109 times, 1 visits today)

Comments

comments

Comments

%d bloggers like this: