Pop Star Shakira Cu A Tlangval Hlun In A Cawh

WENN.COM: Shakira cu a tlangval hlun in rorelnak hmai ah a thuhla a thlen ih dollar million 100 lenglo kuan dingah a cawh. Shakira le Antonio de la Rua cu 2010 ah an rak uaraw ih sumdawnnak an rak tuah tlangih sumpai an rak hmang tlang heu. Asinan, an duhdawtawknak a cem vete’n a tlangval hlun Antonio de la Rua cun Shakira ih mualphonak dingah a hawl thok.

A tlangval hlunpa hin leitlun ah awnmawi thawn hmunkip ih a fehnak ding pawl tla a rak tum ih hleiah a manager pakhat vek khalin a rak um dah. Colombian ram hlasak thiam Shakira le a tlangvalpa Antonio de la Rua hi an duhdawtawknak cem ter hman sehla mipi pawl hmai ah cun rualpi vekin kan komaw thotho ding tiah an phuang ih hleiah sumdawnnak khal kan tuah tlang ding tiah an rak phuang dah.

Asinan, Shakira tlangvalpa Antonio de la Rua cun tuini ah a hlan ih kan rak tiamkamawk vekin a sumpai hmuhmi pawl in pe duh nawnlo tiah New York City rorelnak Manhattan Supreme Court ah a thlen. Shakira hnen ah a tlangvalpa De la Rua cun $100 million pe dingah a ngen. A tlangval De la Rua hi Argentine president hlun ih fapa a si. Tu ah Shakira cu Spanish bawhlungsit thiam Gerard Pique thawn an uarawih fate tla nei cing ding an si.

(Visited 280 times, 1 visits today)

Comments

comments

Comments

%d bloggers like this: