Poland Ram Siangpahrang JESUH KHRIH tiah Tlangthan

15181487_1133055076813851_8333306681934109394_n
Jesuh Khrih cu Poland ram Siangpahrang taktak a si tiah upat sunloihnak khawmpi an tuah ih Poland ram president Andrzej Duda khal cuih khawmpi ah a telve tiah Khristian thuthang CT le CH pawlin November 22 ah an ngan.

Poland ram ih Khristian kum 1050 kimnak le Catholic Church’s Jubilee Year of Mercy thawn dengaw ih tuahmi cuih khawmpi cu Krakow khuapi ih Divine Mercy biakinn ah tuah a si.

An thlacam cu “Khrih Bawipa: kan thinlung ah, kan innsang ah, kan tlawnginn le university pawl ah, kan rampi ah in uk camcin aw. Khrih kan Siangpahrang – nangmah biaknak le sunloih upatnak cu kan nei camcin ding tiah duhthu kan kam. Kan rampi hruaitu pawl le kan ram mipi in nangmah kan rinsan. Na daan vekin mi kaihhruai an thiamnak dingah zirh hram aw, uk hram aw. Kan ram hi in uk awla Pathian sunlawinak le leitlunmi rundamnak hrangah sihram seh,” tiah Khrih ih Lalnak cu upatnak le rinsannak rampi hrangah hlannak an nei.

Mary khal rampi Siangpahrangnu a si tiah hlan 350 ah siangpahrang ttuan dahtu King John Casimir cun a phuang dah zo.
Bishop Andrzej Czaja cun, “Khrih cu Siangpahrang a si tiah kan phuan ruangah Siangpahrang tinak a si lo, leilung pumpuluk uktu Bawi a sinak sawn cohlang in A duhnak le daan ah tthumaw ding tinak a si sawn,” tiah khawmpi an tuahsan thu thawn pehpar in simfiangnak a nei.

-Christian Today, Christian Headlines

Comments

comments

Comments

%d bloggers like this: