Pi Suu Kyi Nobel Khawpi A Thleng Zo

Pi Aung San Suu Kyi cu Switzerland ih rorel upa le miropi ziangmawzat pawl thawn komawknak a neih hnu ah hlasakthiam pawl ih tawlrelmi nuamnak pawlah tla a tel, asinan nuamnak tawlrelmi dang thenkhat ah leh fehnak thupizetpawl ah feh theihloin a damlo ruangah a tulh sal.

Tui, Friday (Tlawngkaini nga) ni ah Norway khawpi ah tluangte’n a thleng ih upa tamzetin vanzamleng tumnak ihsin mithmai soparte’n an rak dawng sawng.

Norway ih Grand Hotel pan ih a fehnak lamzinpi ah Pi Suu Kyi uartupawl cu lamzin kap ah dingin an rak hmuak celcel. Cutin, Norway ram huaitu Jens Stoltenberg le a innsangnu pawl thawn rawl kil tlangnak an nei.

Jens Stoltenberg cun “Nangmah lo hmu ding le laksawng na ra lak ding hi caan reipi sung kan hngak” tiah a sim. Asim vivonak ahcun “Nang hi zalennak sualsuaktu na siih harsatnak a phunphun mipi hrang hlawhtlin thei dingih nawrtu na si” tiah langhngan in a lawm.

Pi Suu Kyi 66 khal cun “Kum 24 lenglo ramsung ah khum bepbep ka siih ramleng ka ra suak tikah leitlun a rak thangso nasa ih thil a rak thlengaw theh. Ka khualtlawnnak ah thil tampi ka hmusuak rero.

Asinan hi ka thil hmuhmi pawl hi a lamzin a tluang hrimhrim lo, lamzin bingbozet a si. Sikhalsehla hi lamzin bingbozet hi ram tampi tangtlang in thlarau pakhat thawn kan tuah ahcun kan hlawhtling ding a si” tiah mipipawl hnen ah a sim.

Tuini Saturdays ah 1991 kum ih Nobel Peace Prize, a pasal Michael Aris le fate pahnih Kim le Alexander ih an rak laksakmi lawksawng dawngsawng sal dingah Oslo City Hall a thleng. Norway ah ni 3 sung a cam ding. Cuihnu ah Ireland, France le Britain ram pawl tlawng dingah a pok sal ding.

  • Norway Kawlram mi le Chin mi pawl khalin Suu Kyi An sunlawih tum ve.
  • Tuitum ah Suu Kyi hin Kawlram aiawh in khual ka tlawng lo a ti.
  • A damlonak hi a zual sinsin ding phan a um tiah a sibawipa in a sim.
  • A damlo ruangah caan thupi tamzet ah a feh thei lo ding.
  • Inn lam ih Buddhists le Muslim Rohingya buainak a seherh ih a tlangaupi vivo.
(Visited 43 times, 1 visits today)

Comments

comments

One Comment

  1. Ruth zingte says:

    aw,zangfak za a tuarhar zai hi……a lung put le a tuar thei zai pawl hi cawn tlak ka ti nasa.a lam tluang in dam cak ten tlung kir sal thei beisei………..

Comments

%d bloggers like this: