Pi Aung San Suu Kyi In Milian Pakhat Ih Paisa Pekmi Cohlang Ding

15-aung-san-suu-kyi-4NAYPIDAW: NLD Party cun, tu naite ih milian pakhat hnen ihsin paisa pek ding ih an ti mi cu an cohlan ding maw dinglo ti mi an reltlang. Kawlram ralkap bawi pawl thawi nai aw zet le, tuihlan ralkap pawl uknak hnuai ih sumdawnnak tuah le milian zet pakhat cun NLD hnen ah 320 million kyats pek ding a tiam asi.

Cumi thuthawn pehpar in an hmuhdan a bangaw lo zet. Ralkap bawi pawl thawn nai aw zetmi hnen ihsin hi bomnak an cohlan asi ah cun tuihlan ih ralkap pawl cangvaihnak an lungkimpi vek ah a cang pang ding cu an phang nasa. “Hi sumpai pekmi hi a diklomi sumpai asi ah cun kan cohlan lo ding. A dikmi asi ah cun kan cohlang ding.

Ziangahtile, hipawl hi nauhak pawl zirnak hrang ih pekmi pawl an si. Kan cohlang lo asi ah cun a tuartu ding cu nauhak pawl an si. Kan cohlang asi ah cun nauhak pawl in an zirnak ah an thathnem pi ding asi” ti in Suu Kyi cun a rel.

NLD thusimtu Ohn Kyaing khal in, “Hi sumpai pek in tiammi pawl hi nauhak pawk hrangah asi ruangah kan cohlan asi ah cun nauhak pawl ih hmailam hrang thathnemnak suahpitu ding asi” ti in asim ve. Hi sumpai an hmuhnak hi aa hmin an rel duhlo nan, kawlram milian zet Tay Za hnen ihsin a si ti in thuthang tamsawn ah cun an ngan.

(Visited 133 times, 1 visits today)

Comments

comments

One Comment

  1. A va tha ve,hmailam hrangah tha hnem a si ka beisei zet

Comments

%d bloggers like this: