Phusing Thlipi lakah Bible A Him

Šianglianuk Ķianghrol

CNN, January 25

Amerika ram, Mississippi ramkulh thlanglam ih phusing thlipi a hran lai ah, William Carey Phunsangtlawng le a kiangkap ih thingkung tampi cu an tawhram in an phong ih inn tampi khal an siat.

Phusing a reh ih ttuanvo neitu pawl in thilri siat reprep pawl an halh tikah mangbangza pakhat an hmu: an tlawng biakinn pulpit ah bible pakhat cu kau aw cia in himte’n a rak um.

A kau aw mi Bible cahmai ahcun, “Pathian cu kan beunak le kan thazang a si, harsat can ih bawmtu a si,” timi a um.

Tlawng saya Rick Wilemon in Bible cu zuk a zuk ta. “Siatsuah tong lo mi thil pakhat hman an um lo. Sunralnak nasa zet a si,” tiah CNN hnenah a sim.

Cun, “Kan tualsung ih thazang in petu thilthleng hi kan rampi thazang petu khal a si timi hi hminsin tlak zet a si,” tiah a sim bet.

 

Comments

comments

Comments

%d bloggers like this: