Phunkhat Tlawngta Pawl Hrang Ca-ukpi Ukkua, Bala Ca-uk Le Tlawngfawm Alak In Pek Ding

Tuih zarh May thla zarh thumnak cu rampihuap ih Tlawng ap cohlan caan a si.

Phunhrek tlawngta pawl hrangah cun Ca-ukpi thaw’i ca zirh ding a si lo ruangah Tlawngfawm lawng alak ih pek an si ding thu, ramtthen le pyine fimzirnak zung hnen ihsin theih a si.

Phunkhat kaitu ding tlawngta pawl cu Ca-ukpi uk (9), Bala ca-uk dazinkhat le Tlawngfawm pawl alak ih pek an si ding ti a si.

Phunhrek cu Saya ih kutkaih cabu thawn zirh ding a si ih Tlawng phuan tir thla thum sung cu ca zirh an si lo ding. Zuk le thilri tete pawl thaw’i sim le zirh an si ding. Cu ruangah Ca-ukpi le Bala ca-uk kan pek lo nak a si. Tlawngfawm cu phunhrek ihsin phunhra tiang kan pe thluh ding.

Phunkhat tlawngta pawl hrangah subject (10) zirh an si ding ih tlawngta pawl ih kutkaih subject (9) cu alak ih pek an si ih subject pakhat cu Saya kutkaih a si.

Tuih fimzir kum ah phunkhat kaitu ding tlawngta taan-khat lenglo an um ih kum 6 a kim zo mi nauhak pawl hmuahhmuah in phunhrek rak kai lo khal sehla phunkhat ih cohlan theih si dingin fimzirnak zung in a ti.#

Hrm : Lwin Pyin

Comments

comments

Comments

%d bloggers like this: