Phunhra Camibuai Phitu Pawl Hrang Lungawiza Thuthang

January Van

2016-2017 fimzir kum ih phunhra camibuai phitu pawl hrangih lungawi um za thuthang cu hiti’n a si. An phitmi subject zate ti theih in moderation an pek tiah Myanmar Pyinya-yee-hmu zung ih Saya U Ba Thein cun a sim.

Saya U Ba Thein thusuhnak ah “tuih kum cu cozah thlengawk le ziangziang thawn nauhak pawl kha daan khoh tuk ih ti lo dingin thu kan pek.

Myanmar-sa tla cu a hlan vek ahcun moderation kan pe dah lo na’n tuih kum ih phunhra camibuai phitu pawl hi an vanttha cuang tiih sim theih a si.

Kanni khal tlun lam ih in fial mi a si. Moderation hmat baan dingih tuah dingin in sim. Cu ti a si tikah tuih kum cu Myanmar ram pumhuap ih phunhrang ong zatek cu 50% a luan ding tiah zumnak ka nei” tiah a ti.

Cun, moderation hmat theih a theih maw.. ti thusuhnak ah “punghman cun result suah ding caan zarh hnih duh ih tlangzarh a si ttheu. Asina’n tu’i ttum cu nauhak pawl lungawinak ah ka lo theih ter mai ding. Myanmar-sa hi hmat (38) ih moderation pek a si. Hi Myanmar-sa hmat hi phunhra camibuai thuanthu ah kan pek hmaisabik a si.

English hi hmat (34), Mathematics hi hmat (38) ih pek a si ih cuih hlei ah a hleifuan in hmat (10) komsak bet a si tikah an ong thluh cio ko ding tiah ka zum.

Geography, History, Chemistry, Physics le Seikkyiak Myanmar-sa pawl hi hmat (36) ih pek an si ih Biology hi hmat (34) ih pek a si.

Economics lawngte moderation pe lo dingin relcatnak kan nei. Ziangah tile Myanmar ram ih Economy lam ah mino tete pawl in an sunlawih/sunsak ding kan duhsak ruangah a si” ti’n a sim.#

Comments

comments

Comments

%d bloggers like this: