Phun Hrek Kai Hlan ih Cabu 1,000 Siarsuaktu Daliyah Arana

Šianglianuk Ķianghrol

Daliyah hi Amerika ram, Georgia ramkulh ih “1,000 Books B4 Kindergarten” (Phun Hrek Kai Hlan ih Cabu 1,000 Siarsuah) program ah kum 2 a ti ihsin a tel thok ih kum li a ti ah cabu 1,000 a siar suak tiah a nu Haleema Arana in a sim.

Cabu hrik nauhak te hin January 11 ahkhan Washington, D.C, ah tlawng in Amerika ih cabu kimbiknak calaibuk Library of Congress a leng ih “Librarian of the Day” ti’n an sunlawih.

A nu Haleema Arana cun a suahthlak ihsin a pasal thawn ca an siar sak ih cabu 1,000 siar ding in tuan deuh ah an tawlrel sak cih thu Gainesville Times hnenah a sim.

“Cabu 1,000 a siarsuak vetu nauhak dang cu malte an upa deuh,” tiah a nu cun a sim. Daliyah ih casiar theinak hi phun hrek kai hrih lo hrang ahcun a sang zet a si thei.

A nu in YouTube ah college level ca a si mi, William Lyon Phelps ih thucah sim mi, Daliyah ih a siar lai tla a upload hngehnge.

Daliyah hin amahte’n calaibuk card a nei ih a hung upat tikah calaibuk kiltu si a duh thu a sim.

“Ni tinte’n cabu zohfel kual hi nuam ka ti. Cun, nauhak te lai ihsin ca siar ding ah nauhak dang pawl zirh ka duh fawn,” tiah Gainesville Times hnenah a sim.

(Visited 75 times, 1 visits today)

Comments

comments

Comments

%d bloggers like this: